Riotorto, 27 de xullo, 2019. A formación nacionalista presentará no vindeiro pleno unha moción para solicitar as achegas “que axuden ao esforzo económico do inicio do curso”
Riotorto, 27 de xullo de 2019.- O BNG de Riotorto presentará no pleno municipal do vindeiro venres 2 de agosto unha proposta para convocar axudas municipais ao estudo.
A formación nacionalista defenderá a creación de bolsas de 100 euros para as familias empadroadas no concello con fillas e fillos matriculadas no CEIP de Riotorto ou en centros de educación secundaria obrigatoria ou centros específicos de educación especial.
Tamén propón ofrecer achegas entre os 100 e os 500 euros, en función da renda, para alumnado que curse calquera modalidade de ensinanza non obrigatoria, desde Bacharelato ou Formación Profesional ata títulos universitarios.
“Levamos esta proposta ao primeiro pleno ordinario da lexislatura porque cremos que a pobación máis nova, que son o futuro de Riotorto, deben ser unha prioridade nas políticas municipais nun concello cun grave problema demográfico”, expuxo o edil nacionalista Luis Fernández.
“A convocatoria ten como obxectivo incentivar a matrícula de nenos e nenas no CEIP de Riotorto e tratar de evitar que a baixa taxa de natalidade e o desprazamento de alumnado cara a vilas próximas poñan en poñendo en perigo nun futuro próximo este servizo fundamental”, engadiu.
O concelleiro destacou a obriga de “colaborar no esforzo económico que ocasiona o comezo o curso escolar ás familias e favorecer o acceso á educación”.
O Partido Popular leva anos pasando a factura da crise ás veciñas e veciños, coa supresión da gratuidade do Servizo de Axuda a Domicilio, coa suba do recibo do lixo, e calando ante o catastrazo e os recortes en servizos públicos, ordenados desde a Xunta de Galicia e desde Madrid.
“Nunha lexislatura en que se agardan ingresos extraordinarios para as arcas municipais pola posta en marcha do parque eólico A Pastoriza, grazas en gran medida ás políticas herdadas do goberno municipal do BNG, non teñen excusa para non axudar ás familias”, concluíu.
O BNG de Riotorto propón axudas municipais de 100 euros para as familias con fillas e fillos no ensino obrigatorio
Relacionado
-
Máis de 60 ganderías de razas autóctonas en risco de erosión xenética recibirán axudas á recría do programa Morenas da Vicepresidencia da Deputación
-
A Deputación acusa ao PP de crear “confusión interesada” sobre as tarifas das residencias tras a actualización aprobada oito anos despois
-
Ribadeo participa en Zamora no Foro Nacional de Intelixencia Artificial e Accesibilidade Universal
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
