Lugo, 10 de outubro de 2019.- A Secretaría Xeral para o Deporte publicou no Diario Oficial de Galicia (DOG) as resolucións polas que se fan públicas as subvencións definitivas para a actividade deportiva de clubs, sociedades anónimas e seccións deportivas, que na provincia de Lugo suman unha contía de 210.900 euros.
O delegado territorial da Xunta en Lugo, José Manuel Balseiro, explicou que resultaron beneficiadas 119 entidades lucenses dunha trintena de modalidades deportivas, dende o fútbol ata o baloncesto pasando por atletismo, triatlón, xadrez, baile deportivo, rugby, tiro olímpico, voleibol, ciclismo, orientación, patinaxe, natación ou balonmán, entre outros.
Polo que respecta á distribución xeográfica, 52 das entidades beneficiadas están situadas na comarca de Lugo -50 en concreto na capital- e suman un investimento de 112.986 euros. Na Mariña rexístranse 28 clubs, cunha achega global de 40.000 euros. En terceiro lugar sitúase a comarca da Terra Chá, con 17 entidades que acadan 25.400 euros, e a continuación a zona sur, con 14 clubs e 19.300 euros en axudas. Hai tamén apoios para entidades situadas noutros concellos da Montaña, Sarria e A Ulloa.
Equipamentos deportivos
Por outra banda, recentemente publicouse tamén no DOG a resolución do listaxe definitivo das subvencións para a adquisición de equipamentos deportivos, que nesta primeira convocatoria beneficiou a catro clubs lugueses cunha achega total de 58.240 euros. Os beneficiarios son Club Fluvial de Lugo, A.D. Tripenta Terras de Lugo, Club Triatlon Cidade de Lugo e Club Taekwondo Neka Monforte.
E, ese mesmo día, a Secretaría Xeral para o Deporte publicou tamén a segunda convocatoria do ano 2019 para solicitar as subvencións de adquisición de equipamentos deportivos. Os interesados terán un prazo dun mes para presentar a documentación e esta liña de axudas conta cunha dotación orzamentaria de 1.916.089,69 euros.
Cómpre salientar que para esta convocatoria non será necesaria a presentación dunha nova solicitude por parte das entidades solicitantes cuxa solicitude fose desestimada en base á non dispoñibilidade de crédito na convocatoria anterior.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
