Viveiro, 10 de outubro de 2019.- A Xunta vén de conceder axudas por un importe global de 163.400 euros para impulsar a competitividade do comercio da Mariña mediante a colaboración coas asociacións de comerciantes de Viveiro, Foz e Ribadeo, a asociación de vendedores da Praza de Abastos desta última localidade e a entidade supramunicipal A Mariña Federación.
A Consellería de Economía, Emprego e Industria publicou no Diario Oficial de Galicia a resolución de dous programas dirixidos a reforzar o papel destas entidades na dinamización do comercio das vilas e cidades galegas a través de iniciativas que permiten atraer clientela e mellorar os servizos que se ofrecen aos consumidores.
O delegado territorial da Xunta en Lugo, José Manuel Balseiro, presentou hoxe ambos programas xunto con Isabel Méndez, xerente do Centro Comercial Casco Histórico de Viveiro; Jesús Pérez, xerente da Asociación de Comerciantes, Industriais, Servizos e Autónomos de Ribadeo; e José Carlos Paleo, presidente do Centro Comercial Aberto de Foz e tamén da Mariña Federación.
Balseiro explicou que se concederon axudas aos centros comerciais abertos para proxectos que inclúan iniciativas de dinamización comercial, sistemas de fidelización, sinalización externa ou mellora da competitividade comercial, entre outros.
No caso da Mariña, os tres centros comerciais abertos beneficiados recibiron a contía máxima establecida, 40.000 euros cada un. Tamén a Praza de Abastos de Ribadeo obtivo a achega máxima prevista para esta modalidade, 9.800 euros, que poden destinar tanto a proxectos de fidelización, sinalización, dinamización e competitividade, como á mellora de instalacións e equipamentos.
Pola súa banda, A Mariña Federación obtivo 33.600 euros ao abeiro dun segundo programa dirixido a asociacións de ámbito superior ao municipal para o impulso do comercio de proximidade e a incentivación do consumo a través do tícket de dinamización comercial. Esta entidade aglutina ás asociacións de comerciantes de Viveiro, Covas, Burela, Ribadeo, Foz, Lourenzá, O Vicedo e Xove.
Precisamente nestes días estase a desenvolver nas distintas localidades a campaña “1.000 motivos para mercar na Mariña”, que promove o consumo nos comercios asociados sorteando vales de compra entre os clientes.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
