Burela, 12 de outubro, 2019. Aliouse esta tarde o Pescados Rubén Burela FS á intesidade e velocidade de balón para seguir o seu periplo sen erro e sumar tres novos puntos fronte ao Leganés Masdeporte (3-1), na quinta xornada de Primeira RFEF. Vista Alegre presenciou unha gran cita na que as mariñás crearon moito perigo ofensivamente, aínda que faltando un puntiño na finalización, e ofreceron unha gran reacción nas perdas de balón para frear ás madrileñas, que apenas dispuxeron de ocasións.
Viviu Vista Alegre un gran monólogo das Guerreiras. No minuto 13, Jane, de rexeite, conseguiu por fin abrir o luminoso. Elisa salvara con solvencia a rede madrileña ata o momento ante as embestidas burelistas, con Jenny e Lara Balseiro entre as destacadas. Medrou en perigo entón aínda máis o Pescados Rubén, cunha porteira moi acertada. Cilene e Jane intentárono nos seguintes compases, Bea Mateos non puido finalizar con éxito ao segundo pau o pase da 6 brasileira. A propia Cilene e Ale de Paz foron dúas das que puxeron máis en apuros, sen a recompensa merecida.
Renovouse o xogo con cambio de gardametas, con Ana Romero e Sandra. Jane tivo o segundo no 24 estrelándose contra a porteira, tras unha tímida contra protagonizada por Patri. Por fin se ampliou a vantaxe para dar tranquilidade no luminoso; tan só un minuto fíxolle falta á internacional Peque para selar dobre diana, primeiro nun lanzamento que superou lentamente a liña de meta nunha tentativa infrutuosa por evitalo e pouco despois nunha deixada atrás. Faltaban cinco minutos e o Leganés atopou o gol, a través de Werner, tocando en última instancia en Dany. Optaron entón as de Iván Labrado polo xogo de cinco con Saki. Mantivo a renda o Pescados Rubén Burela ben e aínda dispuxo dun par de ocasións a porta baleira.
Ficha técnica
Pescados Rubén Burela FS: Jozi, Dany, Cilene, Peque, Jane, cinco inicial; tamén xogaron Jenny, Bea Mateos, Luci, Jenny Lores, Ale de Paz, Lara Balseiro, Ana Romero
Leganés Masdeporte FSF: Elisa, Patri, Lucía, Rocío, Elena, cinco inicial; tamén xogaron Chuli, Saki, Werner, Andrea, Sandra
Goles: 1-0, minuto 13, Jane; 2-0, minuto 26, Peque; 3-0, minuto 27, Peque; 3-1, minuto 35, Werner
Árbitros: Carreira Romero // Coello Martínez.
Incidencias: Partido correspondente á xornada 5 de Primeira RFEF disputado en Vista Alegre cuns 600 espectadores/as. Pescados Rubén Burela e Leganés Masdeporte Deron a Cara contra o Cancro cun fair play en Rosa, pola proximidade do Día Internacional da Loita contra o Cancro de Mama -19 de outubro-.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
