Ribadeo, 12 de novembro, 2019. A ANPA A Faxarda do CEIP Gregorio Sanz de Ribadeo organiza durante o mes de novembro tres actividades orientadas á formación afectivo-sexual tanto das pequenas e pequenos como dos seus pais e nais. Estas serán as primeiras formacións sobre esta temática que realizará a asociación.
A primeira destas accións terán lugar entre o mércores 13 e o venres 15 e leva por nome Co-creando igualdade. Consiste en 4 sesións para nenas e nenos de 6º de primaria onde elas traballarán temáticas de empoderamento a cargo de Eva Cividanes, eles farán o propio con masculinidades guiados por José Expósito, para finalizar todos e todas en sesións conxuntas.
A seguinte semana, entre o 18 e o 22 de novembro, organizarase Abeirar, obradoiros especializados para os máis pequenos e pequenas, desde infantil a 3º de primaria, e que queren comezar a educar nos temas afectivo-sexuais. Os obradoiros impartiranos a psicóloga e sexóloga Martina González e a sexóloga e educadora social Sabela Maceira. Para explicar os por menores, as formadoras realizarán dúas charlas informativas para nais, pais e profesorado, unha o 14 de novembro e outra o 22.
Tamén nas mesmas datas e pensado no alumnado de 4º, 5º e 6º de primaria, terá lugar o obradoiro Coñécete, a cargo da sexóloga e psicóloga Raquel Graña, tamén para abordar asuntos afectivo-sexuais. Nesta acción farase outro encontro con nais, pais e profesorado que terá lugar o día 29 deste mes.
Estas son as tres primeiras accións que a ANPA A Faxarda realizará este curso e onde quere poñer o acento en materias de igualdade, sexualidade e coidados. Durante os vindeiros meses continuará realizando actividades destas temáticas.
Comezan as xornadas afectivo-sexuais no CEIP Gregorio Sanz de Ribadeo
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
