Galeguismo, un termo tan amplo como contestado, cómpre definir ben o que é en política e cómpre saber tamén quen ou que formación o representa. Era galeguismo o de Coalición Galega? Ou mellor, eran galeguistas os membros de Coalición Galega que se entregaron a o proxecto nacionalista español que representaba Fraga? É complicado definir sen excluír, mais é preciso na actual conxuntura.
Para min o galeguismo é un Proxecto de País, un proxecto nacionalista que busca o máximo esplendor de Galicia nas súas potencialidades como Nación, no marco dunha relación bilateral co Estado, un status que recoñeza a nosa historia, cultura e identidade. Raiando coa independencia pero sen esa necesidade, sabendo construír nun marco de recoñecemento mutuo, beneficiando o interese xeral dos galegos e galegas pero tamén do resto.
Pero o noso propio problema está na forma de facer política en Galicia, unha constelación de falsos profetas da Nación Galega e do galeguismo fan moi doado o mensaxe da dereita de Feijoo. Encomezando polo galeguismo do actual PSOE no que o seu candidato está todo o día desexando agradar a Ferráz e defendeu a singularidade de Galicia igualándoa a Estremadura, sen palabras, para tanto galeguismo.
Dende a explosión de Amio na parte máis independentista dos recoñecidos como galeguistas fíxose política cun ollo no BNG, para estar sistematicamente á contra das súas posicións sen importar o necesario para Galicia. Na parte máis socialdemócrata e social sempre pesou máis a ideoloxía que a necesidade de País e moitos como Máis Galiza foron fracasando e facendo frear a outras opcións. Outra parte de galeguistas apostaron pola moda do rupturismo e foron vítimas de si mesmos e da propia identidade galega. Tamén está o proxecto de CxG que se inspira no mellor do PNV pero adaptado a Galicia, no que estase a traballar na liña dos colaboradores internacionais, un paso é formar parte do Partido Demócrata Europeo e as boas relacións con PNV, PDeCAt e Coalición Canaria. Mesmo actuando en clave de país ao apoiar ao BNG para ter representación no Congreso, unha acción que pode trocar o panorama cara unha Unidade de Acción para Galicia, pero queda moito por facer.
O noso minifundismo tradicional afecta tamén á nosa política, semana tras semana dende o grupo de Villares faise un chamamento a o que el di “Concentración Parcelaria” moi significativo o termo, nas concentracións non perdes ferrados, clarexado. Pero porque non o fixo o 10-N? Dou fe de que puido igual que BNG e CxG o fixeron. Volven estar trabucados no espazo de En marea, o camiño non é unha negociación de cambio de cromos, iso á xente non lle gusta, canta moito querer manter sempre a cadeira.
Tamén se ven movementos de persoas, pero como dixo un amigo meu da Coruña “Sobre o debate galeguista: a alternativa ao que algúns cualifican demicroorganizacións non pode ser o microliderazgo de certos persoeiros” que acerto, Francisco Lago, subscribo. Típico dos egos e dos falsos profetas galeguistas, preto das eleccións galegas, monto catro reunións a ver que organización me ofrece un carguiño.
Para un cambio efectivo e real en Galicia, precisamos unha Unidade de Acción, pactando un Proxecto de País e unha acción política coordinada, porque estar nas mans dun PSOE frote tampouco é a mellor opción.
Piñeiro Docampo
Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
