Cervo, 10 de xaneiro de 2020. O vicepresidente da Xunta, Alfonso Rueda, acompañado da directora xeral de Administración Local, Marta Fernández-Tapias, visitou hoxe o concello de Cervo para coñecer co seu alcalde, Alfonso Villares, as actuacións levadas a cabo neste municipio ao abeiro das ordes de axudas da Vicepresidencia, que nos últimos anos supuxeron un investimento aos 1,2 millóns de euros.
O Goberno galego achegou o ano pasado 33.837 euros para a rehabilitación do ximnasio municipal anexo á piscina do concello a través da Orde de Infraestruturas de uso público. A Xunta e o concello de Cervo colaboraron neste proxecto que inclúe a substitución dos materiais da cuberta e dos canalóns e baixantes, así como o saneado e pintado das estruturas metálicas e os parámetros verticais do local. Ademais, renovouse o pavimento coa colocación de materiais máis adecuados para a práctica dos exercicios.
Alfonso Rueda destacou que o concello de Cervo é un exemplo de que a colaboración entre a Administración autonómica e local redunda de forma positiva na mellora de calidade de vida dos seus veciños. No caso de Cervo incidiu tamén na súa colaboración con outras entidades locais para compartir servizos e optimizar recursos a través da Mancomunidade da Mariña á que pertence, que foi recoñecida en dúas ocasións cos Premios Coopera.
A Administración autonómica ten colaborado co concello de Cervo nos últimos anos con axudas procedentes da Orde de Infraestruturas ou o Fondo de Compensación Ambiental para executar melloras en parques infantís, rúas, recintos deportivos, así como a adquisición de equipamento para labores medioambientais ou actuacións no alumeado público e de saneamento en varios núcleos.
A través da liña de subvencións para infraestruturas de uso público, a Xunta vén apoiando desde 2009 aos concellos galegos na mellora das dotacións existentes de infraestruturas básicas e na creación reforma dos servizos municipais. A convocatoria para este ano, que primará os proxectos de cubrición de parques infantís, conta cun orzamento de catro millóns de euros, o que supón un incremento dun millón de euros máis respecto ao ano anterior.
A Xunta investiu case 1,2 m € nos últimos anos en diversas actuacións no Concello de Cervo a través das axudas da Vicepresidencia
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O Consello de Contas sitúa a Vilalba entre os concellos galegos cunha mellor xestión económica
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
