Vilagarcía de Arousa, 28 de xaneiro de 2020. O secretario xeral do PSdeG-PSOE, Gonzalo Caballero, reclamoulle hoxe ao PP que “deixe de enganar e xerar incerteza” e ratificou que “o goberno socialista defende ao sector marítimo pesqueiro de Galicia”. Así o dixo nun encontro co presidente da Fegamp e alcalde de Vilagarcía, Alberto Varela, no que puntualizou que “non houbo cambio na lexislación vixente e non hai reforma en curso” en materia de Costas.
O líder dos socialistas galegos denunciou que “ao longo de 2019, o PP fixo campaña irresponsable no sector marítimo pesqueiro para xerar incerteza e inseguridade nos actores relevantes, baseada en falacias e buscando confrontar co goberno socialista presidido por Pedro Sánchez”.
Explicou que “a lexislación vixente en materia de Costas baséase na Lei de Costas de 2013 e no Regulamento Xeral de Costas de 2014, ambos aprobados polo PP e o goberno de Mariano Rajoy e co respaldo de Feijóo”.
O responsable do PSdeG puntualizou que “o goberno actual, en materia de concesións e prórrogas, actúa conforme ao ditado pola lexislación aprobada durante o mandato do PP, e non houbo ningún cambio nin na Lei nin no Regulamento”. Agora, explicou, “o goberno progresista abriuse a dialogar e incorporar perspectivas que poidan mellorar a realidade actual, e os socialistas galegos defendemos que tanto a aplicación actual como desenvolvementos futuros se fagan sempre en consonancia coa nosa realidade marítimo-pesqueira e industrial”.
Os socialistas galegos, dixo Gonzalo Caballero, trasladámoslle ao goberno de España “a relevancia no sector marítimo-pesqueiro para Galicia”, e garantiu que “calquera desenvolvemento sexa sempre defendendo o noso patrimonio natural á vez que posibilitando e potenciando os nosos sectores económicos e produtivos, sendo esta posición compartida polo goberno do Estado”.
Deste xeito, subliñou que “dende a segunda metade de 2019 non se proseguiu coa posible reforma do Regulamento Xeral de Costas, e nestes momentos están vixentes os textos normativos aprobados polo PP”. Afeoulle ao PP e ao goberno da Xunta que “malia ser coñecedores destes detalles, prefiren manter a súa estratexia de tentar enganar para xerar alarmismo na busca dos réditos electorais que perderon en todas as convocatorias de 2019”.
Caballero reclámalle ao PP “un mínimo de responsabilidade” diante das mocións que o PP presenta nos distintos concellos de Galicia de ámbito marítimo, coa intención de “confundir e alarmar”. Sinala que “a súa mentira en materia de Regulación de Costas xa chegou ao seu fin, e pinchou a burbulla do cinismo do PP para o sector do mar galego”.
Instou ao goberno galego a “eliminar dúbidas e deixar de facerlle dano ao noso sector marítimo industrial pesqueiro”. Remachou que “os socialistas galegos garantimos que todo o que afecta ao ámbito marítimo-pesqueiro garantirá os intereses das galegas e dos galegos, e o noso compromiso coa pesca e co sector industrial marítimo é prioritario”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
