Ribadeo, 28 de xaneiro, 2020. Dende a Asociación Cultural Santa María do Campo e San Roque, e despois de telo meditado moito, queremos poñer de manifesto a nosa decisión de renuncia para continuar coa organización das Festas da Patroa e San Roque.
Os motivos que nos fan tomar esta decisión, son unicamente de carácter persoal, e iso engadido ó número tan reducido de persoas que formamos esta comisión, fai que sexa imposible continuar, polo menos, a corto prazo, con este labor.
Dicir que á espera de cobrar o 40% da subvención que temos pendente do Concello para realizar os últimos pagos, a Asociación queda libre de débedas e cun saldo en conta pendente de confirmar ata que estes se realicen, pero que estimamos nuns tres mil euros aproximadamente.
Agradecemos o apoio a todos os veciños e veciñas de Ribadeo e a todos os colaboradores que de maneira desinteresada nos axudaron a recorrer as rúas á hora de recadar donativos durante estes tres anos. Ó comercio, hostalería e establecementos que de maneira individual fixeron a súa aportación, e por suposto, ó Excmo. Concello de Ribadeo e a Xunta de Galicia.
Animamos a que en breve se forme unha nova comisión para continuar con esta organización, que, aínda que leva moitas horas e moito traballo, tamén resulta moi gratificante cando o día 9 de setembro espertas e comprobas que todo saíu como esperabas.
Un Saúdo,
Juan, Avelino e Marta
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
