Viveiro, 29 de xaneiro de 2020. A Consellería de Infraestruturas e Mobilidade iniciará o vindeiro 3 de febreiro un proxecto de conservación fluvial que afectará a 6,1 quilómetros dos ríos Landro, Trasposta, Loureiro, As Nogueiras e Loiba ao seu paso por nove parroquias do concello de Viveiro. O delegado territorial da Xunta en Lugo, José Manuel Balseiro, explicou que a previsión é que os traballos estean rematados antes de finais de mes.
Así, Augas de Galicia actuará sobre case 3,7 quilómetros do río Landro en distintos puntos das parroquias de Chavín, San Pedro de Viveiro, Landrove, Magazos e Galdo. Tamén nun quilómetro do río Loureiro, en Valcarría e San Pedro de Viveiro; 550 metros do Trasposta en Viveiro -á altura do Camiño do Campo da Urraca-, 270 metros do Loiba en Covas e 600 metros das Nogueiras en Celeiro.
Os principais labores consisten na retirada de árbores, ramas caídas e madeira morta no curso fluvial. Tamén se van realizar desbroces selectivos de especies arbóreas e arbustivas en ribeira e marxes nos tramos nos que o leito do río quede oculto -parcial ou totalmente- pola maleza.
En ocasións, complementaranse os traballos con rareos ou podas en zonas con gran densidade de especies arbustivas, con crecemento e cruzamento cara ao leito, para evitar retención de arrastres de crecidas.
No río Nogueira vaise aplicar un procedemento para evitar a propagación da especie exótica invasora Acacia Dealbata, xa que se detectaron exemplares caídos ou inclinados sobre o canle. Neste caso, os desbroces reduciranse ao necesario para permitir o tránsito das augas e, ao mesmo tempo, manter as condicións de sombra que dificulten o desenvolvemento desta especie.
Augas de Galicia realiza un seguimento constante da situación dos ríos e programa as intervencións alí onde se detectan as necesidades. Durante o pasado ano, actuou en 40 quilómetros de curso fluvial nos sistemas de explotación da ría de Ribadeo, Río Grande, Masma, Landro e Ouro; isto é, actuou en todas as concas da súa competencia, que coinciden coa área xeográfica da Mariña.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
