Lugo, 29 de xaneiro de 2020. O Parque de Bombeiros de Viveiro, xunto coa Policía Científica da Comisaría viveirense organizan para o vindeiro martes, 4 de febreiro, unha xornada de prevención de incendios domésticos. A iniciativa ponse en marcha para dar consellos e recomendacións á veciñanza, posto que na maior parte das ocasións a clave da seguridade está nunhas boas medidas de prevención.
Comezará ás 20:30 horas na Sala Multiusos do Concello de Viveiro e está aberta a toda a cidadanía, tanto adultos coma nenos, co obxectivo de chegar ao maior número posible de persoas e lograr que se reduza o número de accidentes domésticos que se producen por descoidos ou malas prácticas. Por exemplo, ensinarase como diferenciar un incendio real dun conato ou daranse as claves para tentar apagar de maneira correcta un lume no fogar.
Os encargados de impartir a primeira charla serán o subinspector da Comisaría de Viveiro, Javier Comendeiro, e o xefe do Parque de Bombeiros de Viveiro, José Pulleiro. A proliferación de lumes en cociñas, chemineas e braseiros -sobre todo no inverno- foi a principal causa que motivou que estes dous corpos de seguridade se unisen para desenvolver un conxunto de charlas sobre a importancia da prevención para evitar este tipo de accidentes.
O Parque de Bombeiros de Viveiro forma parte do Consorcio Provincial de Lugo para a prestación do Servizo contra Incendios e Salvamento, do que forma parte a Deputación de Lugo e a Xunta de Galicia.
O Parque de Bombeiros de Viveiro organiza unha xornada de prevención de lumes domésticos
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
