Viveiro, 29 de xaneiro de 2020. En decembro do ano pasado, o pleno de Viveiro aprobou, a proposta do grupo municipal popular, unha moción na que se instaba ao goberno local a solicitar a concesión do peirao vello a Portos de Galicia, «para a súa posterior regularización, facéndose cargo do mantemento, vixilancia e urbanización, podendo así dispoñer deste espazo de forma axeitada ás necesidades da cidade e dos cidadáns». Para coñecer que fixo o equipo que preside a socialista María Loureiro, os concelleiros populares presentarán preguntas para que sexan respondidas na próxima sesión plenaria.
Os grupo que ten por portavoz a Óscar Rodríguez quere saber que xestións fixo ata o momento o goberno municipal para executar a moción para tramitar a cesión de uso ao Concello do peirao vello. Os populares interésanse por coñecer se desde o goberno municipal houbo algún contacto ou negociación cos representantes de Portos para conseguir o citado fin. No caso de ser así, os concelleiros queren recibir información de cando se produciron as negociacións, por que vía se levaron a cabo e en que quedaron.
Os concelleiros populares queren saber tamén se houbo algún intercambio de documentos en relación con este asunto e se hai algún proxecto ou borrador de acordo ou convenio entre as dúas partes. De habelo, queren coñecer tal documento e tamén se houbo algún tipo de comunicación ao respecto da súa aceptación ou posible modificación.
Óscar Rodríguez sinala que, incluso para un goberno instalado na parálise como é o de Viveiro, é unha obriga o cumprimento dos acordos adoptados polo pleno, incluídos, como é o caso, os derivados de mocións presentadas polos grupos políticos. É unha obriga legal, aínda que algúns socialistas teñan certa tendencia a facer interpretacións singulares ao respecto, e tamén unha obriga política; incluso é unha obriga de estética política, porque ¿que credibilidade pode ter unha institución que non cumpre os acordos que adopta?
Na moción fechada en decembro pasado, os populares sinalaban: «Dende hai máis de 20 anos, veñen facéndose xestións para liberar o Peirao de Viveiro das distintas infraestruturas que non tiñan uso portuario e afeaban notablemente a fachada marítima de Viveiro. Dita tramitación prolongouse no tempo debido a distintos expedientes xudiciais que o fin foron resoltos de xeito favorable. A Xunta de Galicia fíxose cargo de tódolos gastos de distinta índole, así como de acometer as actuacións pertinentes como o derrube de antigas estruturas e acondicionamento do solo, para que, a día de hoxe, constitúa a zona de aparcadoiro mais importante da cidade, sendo de utilidade para o sector servizos, area comercial e habitabilidade do casco histórico, entre outros».
O PP entende que é preciso que este ámbito urbano estea directamente baixo a xestión do Concello e para iso é preciso que sexa executado o acordo polo que se instou ao goberno local a facer as xestións oportunas para conseguir a cesión de uso.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
