Burela, 12 de febreiro de 2020. Academia A Mariña, de Burela, organiza un curso presencial de corte e peiteados, que será impartido por Carlos Bardullas o 2 de marzo de 10 a 14 horas.
Este profesional ademais da súa calidade extrema no manexo do cabelo, domina a técnica de corte coas dúas mans logrando un efecto no pelo, imposible de conseguir doutra maneira.
Carlos Bardullas realizará unha formación totalmente práctica, onde os participantes traballarán as diferentes técnicas de corte e peiteados que son tendencia este 2020. Ademais Academia A Mariña facilitará a todos os participantes material específico para esta formación, cabeza e material didáctico.
As prazas para asistir a este curso son limitadas. É necesario inscribirse en Academia A Mariña. O prezo por asistencia ao mesmo é de 135 euros.
Desde a dirección de Academia A Mariña, Becky Hermida, sinala que “como cada ano, queremos contar con profesionais do mundo da barbería e a estética para dar formación ás nosas barberías da Mariña”.
As persoas interesadas en obter máis información poden dirixirse ao 982 58 50 98.
Academia A Mariña organiza un curso presencial de corte e peiteados impartido por Carlos Bardullas
Relacionado
-
O XV Encontro de Palilleiras de Xove contará este sábado con máis de 300 participantes e 21 postos de artesanía
-
Ribadeo acollerá este mércores a presentación de Hostelería #PorElClima, iniciativa para reducir a pegada de carbono no sector
-
Últimas prazas para os Plans con corazón en Trabada e A Pontenova esta fin de semana
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
