Ribadeo, 18 de febreiro de 2020. A concelleira de Cultura, Pilar Otero, agradece o traballo realizado pola Comisión de Entroido nun tempo récord, anima á veciñanza a disfrazarse dos anos 20 e a participar nas actividades programadas para os vindeiros días. O pregón será xa este xoves, 20 de febreiro.
A edil dixo que “dende a Concellaría de Cultura queremos agradecer publicamente todo o traballo que está a facer a Comisión de Entroido para que, en tempo récord, toda a veciñanza de Ribadeo, e tamén todas as persoas que nos visitan, poidamos disfrutar dun Entroido cun programa ben xeitoso”.
Pilar Otero convidou “a todas as persoas a participar nos distintos eventos programados este ano 2020, dedicado aos felices anos 20, xogando cos números, e no que tamén se quixo recuperar a tradición das mascaritas. Animamos a toda a veciñanza a disfrutar e pasalo ben. Bo entroido”.
ESTE É O PROGRAMA PARA ESTE ANO
DÍA 20, XOVES DE COMADRES
20.30 H. Teatro de Ribadeo. GALA DO PREGÓN DE ENTROIDO para a que se convida a todos os asistentes a ir vestidos á moda dos anos 20.
PREGOEIRO: JAVIER RIVERA PONTE, XORNALISTA E DIRECTOR DE LA COMARCA DEL EO
COA PARTICIPACIÓN DO CORO DO SAGRADO CORAZÓN (baixo a dirección de M. Carmen R. Cancelo e Graciela Rolle Sampedro) e o grupo de CANTOS DE TABERNA EN FALDAS Y A LO LOCO
ANIMARÁN AS RÚAS AS CHARANGAS A CHOCA E ATURUXO.
VENRES 21
A PARTIR DAS 17.00 H .TEATRO DE RIBADEO. FESTA DO FREIXÓ
SÁBADO 22
a partir das 12.00 H. Teatro de Ribadeo, FESTA DO FREIXÓ
ás 20.30 H. Parque de San Francisco, SAÍDA DA CARROZA DA COMISIÓN
Animarán a xornada as charangas locais.
DOMINGO 23, LARDEIRO
12.00 H. COMPARSA DA COCHA ACOMPAÑADA DO CUARTETO ILLA PANCHA
19.00 H. PRAZA DO CANTÓN. CONCENTRACIÓN DE MASCARITAS, CON ANIMACIÓN MUSICAL E PREMIOS GASTRONÓMICOS.
Animarán a xornada as charangas locais.
LUNS 24, FARELEIRO
17.00 H SALA ROSALAR. BAILE INFANTIL DE DISFRACES
21.30 H RESTAURANTE MARINERO. CEA DE ENTROIDO
MARTES DE ENTROIDO
17.00 H GRANDE DESFILE DESDE A CASA DO CONCELLO. Percorrido: rúas Dionisio Gamallo, Clemente Mnez. Pasarón, Avda. de Asturias , J.V. Pérez Martínez, Avda. de Galiza, rúas Luzo Pozo Garza, Virxe do Camiño, San Roque, Rodriguez Murias, Vilafranca do Bierzo, Cantón.
PREMIOS
ADULTOS
COMPARSAS/CHARANGAS
1º premio 500 €, 2º premio 400 €, 3º premio 300 €
4º premio 200 €, 5º premio 100 €
CARROZAS
1º premio 400 €, 2º premio 200 €, 3º premio 100 €
GRUPOS
1º premio 300 €, 2º premio 200 €, 3º premio 100 €
PARELLAS
1º premio 200 €, 2º premio 150 €, 3º premio 100 €
INDIVIDUAIS
1º premio 150 €, 2º premio 100 €, 3º premio 50 €
INFANTÍS
GRUPOS
1º premio 200 €, 2º premio 100 €, 3º premio 50 €
PARELLAS
1º premio 150 €, 2º premio 100 €, 3º premio 50 €
INDIVIDUAIS
1º premio 100 €, 2º premio 75 €, 3º premio 50 €
Descrición das modalidades:
CHARANGAS (Agrupación formada por 10 ou máis persoas disfrazadas en base a un tema común e que empreguen diferentes instrumentos musicais)
COMPARSAS (Agrupación formada por 10 ou máis persoas disfrazadas en base a un tema común e que non empreguen instrumentos musicais, agás instrumentos de percusión)
CARROZAS (Estará remolcada por vehículo ou construída sobre vehículo. Haberá actuación dos participantes sobre a carroza. A carroza deberá garantir a seguridade dos/as participantes e espectadores.)
GRUPOS (Agrupación de mínimo 3 persoas)
GRUPOS INFANTÍS (Agrupación de mínimo 3 persoas)
IMPORTANTE: tod@s @s participantes no desfile deberán estar na súa ubicación 15 minutos antes do comezo deste.
INSCRICIÓN
De dous xeitos posibles:
A través do teléfono 689 72 63 51. Anotaranse os datos mais cómpre recoller o dorsal o día do desfile desde as 14.00 ás 16.45 H.
O propio día do desfile, desde as 14.00 horas e até 16.45 H na mesa disposta para tal fin na casa do concello.
CHARANGAS/COMPARSAS: As dez primeiras en inscribirse recibirán unha achega económica especial de 100 euros cada unha, que se lles entregará en efectivo o mesmo día do desfile, a maiores da posibilidade de optaren a premio.
O prazo de inscrición comeza o día 20 de febreiro, xoves.
Os dorsais entregaranse o día do desfile entre as 14.00 e as 16.45 H.
SÁBADO 29 DE FEBREIRO
Ás 21.00 H saída da COMITIVA FÚNEBRE do Cantón dos Moreno, formada
de viúvos e viúvos
Ao final, QUEIMA DO ENTROIDO na Avda. Rosalída de Castro, no medio de fogos artificiais e cunha monumental traca como peche da festa.
Organiza: Comisión de Entroido
Colaboran: Concello, Acisa, restaurante Marinero, Parador de Ribadeo
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
