Lugo, 23 de febreiro de 2020. A Voceira do Grupo Provincial Socialista na Deputación de Lugo, Pilar García Porto avanzou que defenderán unha moción no vindeiro pleno para reclamar que “paren os recortes do Plan marco de melloras de camiños municipais da Xunta”. Nesa liña lembrou a concentración realizada esta mesma semana polos Alcaldes Socialistas da provincia, diante da Xunta, contra estes recortes e ao abandono do PP de Feijóo ao rural lucense.
García Porto explica que “o pasado 10 de febreiro o DOG publicou a resolución do Plan Marco de melloras de camiños municipais de acceso a parcelas agrícolas 2020-2021. Nesa convocatoria, a cantidade consignada para as axudas no conxunto de Galicia é de 11.974.836 euros, dividida a partes iguais en dúas anualidades de 5.987.418 € nos anos 2020 e 2021. Esta cantidade supón unha redución de máis dun 25% con respecto as axudas adicadas a melloras de camiños da convocatorio anterior do 2018, na que a partida orzamentaria era de 15.998.687 euros a repartir en dous anos”.
Así as cousas dende o Grupo Socialista “dende o Grupo Socialista, queremos denunciar unha vez máis este novo caso de recortes que afecta a todos os concellos de Galicia, e dun xeito especial a aqueles que contan cun marcado carácter rural, como sucede coa maioría dos da nosa provincia. Unha política de
recortes que a Xunta ven desenvolvendo dende o ano 2016”, advertiu.
Coas cifras na man “a cantidade anual que perciben os concellos reduciuse nun 70% con respecto ó ano 2016, ó pasar de preto de 20 millóns anuais a so 6 actuais. Desglosando os datos, os concellos lucenses recibiron no ano 2016 5,3 millóns de euros para executar obras de melloras. No seguinte plan marco, esa cantidade pasou ser de 4, 12 millóns a repartir en dous anos, e dicir so 2 millóns de euros ó ano, unha redución do 63%. E no novo plan marco de 2020/2021, esta cantidade redúcese de novo, xa que os 4,12 millóns pasan a ser apenas 3,06. Isto é, os concellos de Lugo pasaron a dispor de 5,3 millóns no ano 2016 a ter so 1, 5 actualmente. A reducían con respecto dos fondos do ano 2016 é do 71.7%”, remarcou.
Agader está a incumprir os seus obxectivos
García Porto asevera que “esta sistemática liña de recortes orzamentarios supón de feito que Agader está a incumprir os seus obxectivos e a súa razón de ser, que é reforzar o tecido social e mellorar a capacidade organizativa das áreas rurais, promovendo a execución de obras de conservación e melloras das infraestruturas rurais”.
Pedimos a Feijóo e ao PP que abandone esta política
Por todo o exposto, o Grupo Provincial Socialista quere rexeitar esta política de recortes que afecta, dun xeito especial, os concellos do rural, e que supón unha nova mostra do desinterese do goberno da Xunta para mellorar as condicións de vida dos seus veciños. Sometemos para o seu debate e posterior aprobación en Pleno esta Moción para que a Deputación Provincial de Lugo inste á Xunta de Galicia a: Esixir á Xunta de Galicia, que preside Alberto Núñez Feijóo, que abandone esta política de recortes e manteña as axudas para traballos de mellora na rede de camiños municipais, nun nivel que permita os concellos acometer as obras necesarias para garantir o bo estado desta rede de infraestruturas fundamental para o mundo rural.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.