Lugo, 26 de maio de 2020. A voceira provincial socialista, Pilar García Porto, asegurou que, mentres o Goberno da Deputación estivo centrado dende o inicio da crise da Covid-19 en “traballar pola provincia, polos nosos veciños e veciñas, para intentar paliar na medida do posible os efectos desta gravísima situación” impulsando medidas e coa mobilización de máis de 55M€ para inxectar nos Concellos e no tecido social e económico, o PP e o seu voceiro, “o único que fixeron foi actuar como emisarios de Feijóo, en clave electoral”. “Preocúpanlle máis os escanos que poida ter o PP nas autonómicas que os nosos veciños e veciñas, a súa situación e o seu futuro”, recalcou García Porto.
A mostra máis palpable desta estratexia foi a propia solicitude dun Pleno extraordinario que fixo o PP para abordar a crise da Covid-19, unha petición baseada en premisas que “directamente a invalidan”, asegurou a voceira socialista, porque a Deputación xa está tomando dende o principio medidas en apoio dos concellos e do tecido socioeconómico, porque a institución non dispón dos 8M€ de remanentes dos que fala o PP, pero sobre todo porque “a responsabilidade de liderar a reactivación económica do país e, polo tanto, desta provincia, é da Xunta de Galicia porque é a administración coas competencias, en sanidade, en emprego, en economía e en industria. O que pasa é que, unha vez máis, a Xunta non ten nada que dicir, nin antes, nin durante, nin despois da crise”.
“Non se pode pedir a outras administracións que fagan aquelo que é competencia da Xunta e a Xunta non fai: plans industriais, axudas ás empresas, aos autónomos, ao emprego, á reactivación económica ou á promoción do turismo”, afirmou Pilar García Porto.
A Deputada pediu ao voceiro popular “rigor, seriedade, traballo e lealdade”, pois, tal e como quedou de manifesto no Pleno ordinario que se celebrou previamente á sesión extraordinaria, “a institución non ten a día de hoxe remanentes de tesourería dispoñibles, e a Deputación, dentro das súas competencias e cos recursos dos que dispón, está respondendo á crise sanitaria con iniciativas acordes coa súa función esencial de cooperación cos Concellos, pero tamén con medidas de apoio á cidadanía e ás empresas e autónomos”.
Así, dende a declaración do Estado de Alarma, a Deputación adoptou unha vintena de medidas para paliar os efectos da crise do coronavirus e, como recalcou a voceira socialista do Goberno, mobilizou recursos económicos para inxectar tanto nos concellos, como no tecido social e económico da provincia, por importe de máis de 55M€, a través do Plan Único 2020 (con 21,3M€), cos pagos mensuais ata xuño de 11M€ aos municipios que teñen delegado na institución a xestión de impostos municipais, coa liquidación da recadación do 2019 a estes mesmos concellos por 11,5M€, co pago a provedores (2,3M€), co pago de subvencións ou coa activación do Plan Estratéxico de Subvencións (5,7M€).
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
