Foz, 17 de xuño de 2020. O Concello de Foz selecciona seis prazas de socorristas para as praias este venres, día 19, e hoxe, mércores, cinco de peóns de servizos múltiples.
O alcalde, Fran Cajoto, explica que “o Concello de Foz fixo hoxe, mércores 17 de xuño, a selección de 5 peóns de servizos múltiples en base á subvención autonómica para persoas en situación ou risco de exclusión social perceptoras da Risga. Estas convocatorias son moi importantes, xa que estamos dando unha oportunidade de empregabilidade a persoas que o precisan e que de outra forma terían moi complicado acceder ao mercado laboral. Son 5 contratos de 9 meses de duración e durante a temporada estival os operarios, xunto a outro persoal contratado con fondos propios do Concello, serán os encargados de manter os nosos areais limpos e en condicións”.
Ao respecto, o rexedor municipal de Foz tamén informa que “este venres día 19 farase a selección dos 6 socorristas asociados á subvención concedida pola Xunta de Galicia. Consideramos escandaloso que o goberno autonómico pasara de subvencionar en Foz 16 socorristas no 2017 e no 2018 a só 6 na actualidade. Nun contexto de situación de pandemia, cando a vixilancia é máis necesaria ca nunca nos areais, a Xunta de Galicia resolve a mediados do mes de xuño, sen tempo para a contratación, un expediente cunha contía mínima histórica para os concellos costeiros. A verdade estamos cansos de propagandas e de protocolos, o compromiso coa calidade do turismo demóstrase con feitos, o que non se está a facer desde Santiago”.
Cajoto engade que “ante o nulo compromiso da Xunta de Galicia cos nosos areais o máis probable é que nos vexamos obrigados a renunciar ao izado das bandeiras azuis. Fomos o concello que máis distintivos obtivemos -5 para as praias da Rapadoira, Llas, Peizás, Polas e Areoura e un para o sendeiro marítimo-, o que da mostra clara da calidade das nosas praias. En calquera caso, para este goberno é máis importante garantir a seguridade no maior número de praias posible que un distintivo, tal e como dispuxemos no ano 2019. O Concello informa que procederá ao financiamento doutros 8 socorristas con fondos propios, dado que Foz si está comprometido coa seguridade. Será necesaria unha nova selección de persoal que comunicaremos á maior brevidade”.
Para rematar o alcalde focense anuncia a todos aqueles socorristas habilitados e que sexan demandantes de emprego que se poñan en contacto co SEPE de Ribadeo, no teléfono 982.870.690, ou co servizo de emprego do Concello de Foz, no 982.140.027, extensión 1029.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
