Lugo, 25 de xuño, 2020. “Encaramos a campaña coa motivación de que a provincia necesita a Feijóo na Xunta máis ca nunca”. Así de convencida o trasladou a cabeza de lista, Elena Candia, durante a pegada de carteis que os populares protagonizaron na Praza da Soidade, e na que estivo acompañada dos tamén candidatos Ramón Carballo e Cristina Sanz, así como de membros do Grupo Municipal en Lugo.
Para argumentar esta consideración, a presidenta provincial puxo en valor, en primeiro lugar, a xestión do candidato do PPdeG durante a pandemia. “Alberto Núñez Feijóo adiantouse incluso ao Goberno central e impulsou medidas para a reactivación económica da comunidade. Isto, hoxe en día, é indubidable”, remarcou.
Neste senso, Elena Candia manifestouse “profundamente orgullosa” de pertencer a un proxecto político que “ante a incerteza actual derivada da crise sanitaria, ofrece certezas; ou ante a crispación doutros, ofrece rigor, xestión, coherencia e feitos. É, por este motivo, que, con total humildade, considero que temos que traballar para acadar a cuarta maioría absoluto. Dende logo esta provincia, a Feijóo non lle vai fallar”, afirmou.
“OS LUCENSES TEÑEN EN FEIJÓO UN ALIADO”
“Estou convencida de que os lucenses saben que en Feijóo teñen un aliado”. Proba delo, apuntou a popular como segundo argumento de por que o líder do PPdeG é máis necesario ca nunca, é o esforzo inversor realizado nestes once anos na provincia, e que permitiu dotar aos lucenses de máis servizos públicos.
En materia sanitaria, destacou Candia, “temos o mellor hospital de Galicia, con Hemodinámica 24 horas, radioterapia e medicina nuclear”. “Se algunha obra leva en Lugo o selo de Alberto Núñez Feijóo é o Hula, así como o primeiro Centro Integral de Saúde que xa está en obras no barrio da Residencia”, apuntou.
A popular tamén lembrou que se multiplicaron por catro as axudas á dependencia e se duplicaron as destinadas á Axuda no Fogar; e se reformou a residencia das Gándaras e está prevista a construción doutra nova, en colaboración coa Fundación Amancio Ortega. Ademais, Lugo tamén dispón dunha nova escola infantil en Garabolos; zona na que tamén ser rematou unha obra de protección pública.
A rehabilitación da Tinería; a execución do Plan Paradai; o mantemento da Muralla e o acondicionamento da Catedral; a construción do Auditorio; o polígono das Gándaras e a construción do Polo de Rozas; son outros dos proxectos que a Xunta de Galicia levou a cabo nestes anos e que foron citados pola cabeza de lista por Lugo ao Parlamento como importantes fitos do candidato do PPdeG.
OUTRAS PEGADAS
Ademais de na cidade da capital, celebráronse outras pegadas nos concellos da provincia, onde participaron os restantes candidatos lucenses. Francisco Conde, Raquel Arias e Katy Varela asistiron á de Monforte de Lemos; Susana López Abella, á de Chantada; Sandra Vázquez á de Vilalba; Daniel Vega, á de Ribadeo; Manuel Rouco, á de Burela; e José Manuel Balseiro, á de Cervo. O voceiro do Grupo Provincial na Deputación, Javier Castiñeira, asistiu á de Foz e o deputado no Congreso, Jaime De Olano, á de Viveiro.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
