Burela, 26 de xuño de 2020. O Concello de Burela colabora coa campaña #CóntamoCoaMirada, iniciativa do Servizo de Farmacia do Centro de Saúde de Burela na que tamén participa o Hospital Público da Mariña.
Carmela López, concelleira de Servizos Sociais, explica que “o principal obxectivo é axudar a concienciar na importancia de fomentar o uso da máscara na Mariña. Para isto convidamos a gravar un vídeo en horizontal lanzando unha mensaxe curta mirando á cámara coa máscara posta, e despois subilo ás redes sociais cos hashtag #CóntamoCoaMirada e #AMariñaLevaMáscara”.
E engade que “as mensaxes que deben transmitirse nos vídeos son para non relaxarse, usar as máscaras en bares, terrazas, supermercados e lugares pechados, non baixar a garda e facelo por un, pola súa familia e polos seus amigos”.
Carmela López lembra que “o virus sigue entre nós e temos que controlalo. O rastreo está permitindo localizar os contactos dos positivos do rebrote que temos agora mesmo na Mariña. Hai que previr e para iso é moi importante o uso da máscara. Imos inundar as nosas redes sociais con imaxes ou vídeos coa máscara posta para que entendamos que isto é cousa de todos, e de nós depende controlar este brote e evitar os que poidan vir no futuro”.
O Concello ofrece axuda ás persoas confinadas sen coidadores
Desde o Concello burelés tamén se pon en marcha a campaña Axudámosche a confinarte. A concelleira de Servizos Sociais sinala que “debido á nova situación e aos positivos e contactos directos dos mesmos confinados cos que contamos xa na nosa área sanitaria, na Mariña, precisamos asegurarnos de que non saen á rúa e de que aqueles que viven sos e non teñen asistencia, poidan contar con axuda”.
Carmela López subliña que “si unha persoa é positivo ou está en contacto directo cun positivo, neste último caso aínda que a súa PCR dera negativo, deberá permanecer confinado no seu domicilio, tal e como lles indicarán desde o Servizo de Vixilancia do Sergas”.
Por este motivo desde o Concello ponse en marcha a devandita campaña Axudámosche a confinarte: “queremos estar a carón das persoas que non contan con apoio de ningún tipo para facerlles a compra de alimentos, medicamentos, para sacar o lixo… o obxectivo é evitar que os confinados saian á rúa e así frear a propagación do virus”.
López pide “responsabilidade á veciñanza. Temos que facer fronte a este brote e a outros futuros e soamente o conseguiremos se actuamos con sentido común e sendo responsables”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
