Barreiros, 27 de xuño de 2020. O Concello de Barreiros anuncia a contratación de 16 persoas para atempada de verán para realizar tarefas de control dos areais e limpeza de aseos e outros elementos nos mesmos.
Trátase de 8 persoas para vixianza e control das normas derivadas para o control da COVID-19 e 8 persoas para a limpeza dos aseos das praias e outros elementos para poder permitir o uso público dos mesmos. O prazo para a presentación de instancias é desde o 29 de xuño ao 3 de xullo (ambos incluídos) e a previsión é que a contratación se realice arredor do 8 de xullo.
Ana Ermida explica que o retraso na contratación vén derivado porque “estivemos agardando a coñecer a achega da Xunta de Galicia en base ao anuncio do 4 de xuño relativo á colaboración cos concellos para asumir gastos de persoal para o reforzo das medidas de seguridade nas praias ante a COVID-19 ”.
“A realidade é que daquel anuncio feito polo goberno de Núñez Feijoo nada se efectivizou e os decretos da Xunta de Galicia durante a crise do coronavirus só se adican a impoñer unha serie de obrigas para os concellos que son inasumibles cos medios existentes e obrigan a incrementar o gasto sen que se realice ningún tipo de aportación extraordinaria por parte do goberno da Xunta.”
No caso de Barreiros, o goberno municipal precisou realizar unha modificación de crédito reducindo o gasto corrente de funcionamento para incrementar o capítulo de persoal en máis de 54.000€, o que supón un novo esforzo económico para o municipio que non ten certeza de se vai contar con algún tipo de axuda por parte da Xunta de Galicia.
A alcaldesa de Barreiros asegura que a Xunta non coñece as cantidades que destinarán a esta finalidade nen sequera como afrontarán a concesión das axudas, mentres segue denegando outras axudas, como a subvención para infraestruturas ou o fondo de compensación medioambiental solicitados polo Concello de Barreiros para mellorar o parque de San Cosme, a escola infantil e os depósitos de auga potable e que foron denegadas pola Xunta.
“A actitude do goberno da Xunta e o seu presidente na crise do coronavirus, descargando continuamente a responsabilidade noutras administracións recorda a unha especie de Bolsonaro galego, que tenta minimizar a incidencia da emerxencia sanitaria para continuar coa súa folla de ruta cara as eleccións do 12de xullo.”
A alcaldesa barreirense esíxelle á Xunta que poña os medios precisos para controlar e executar as medidas que a propia administración autonómica esixe e deixe de descargar a responsabilidade en concellos, profesionais, forzas e corpos de seguridade e veciñanza. “Escriben normas que saben imposibles de facer cumprir decretando a responsabilidade do seu cumprimento noutras institucións ou persoas e así adoptan a postura de “poli bo”, mentres as persoas responsables tratan de buscar solucións aos problemas que xeran. E ao mesmo tempo, estrangulan economicamente aos concello, especialmente os de distinta cor política, xerando unha situación insostible no tempo”, afirma.
Barreiros contratará 16 persoas para limpeza e control nas praias cun custo de máis de 54.000 €
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
