Ribadeo, 27 de xuño de 2020. O Concello de Ribadeo pendurou no edificio municipal esta semana a bandeira LGTBI no marco da celebración mañá, 28 de xuño, do Día do Orgullo LGTBI. A edil de Igualdade, Mariluz Álvarez Lastra, sinalou que “este ano non se organizou ningunha actividade de sensibilización por mor da situación na que nos atopamos, pero desde o Concello queremos seguir traballando na aceptación da diversidade sexual e a non discriminación”.
A concelleira ribadense dixo que “o 28 de xuño conmemórase o Orgullo LGTBI (Lesbianas, Gais, Transexuais, Bisexuais e Intersexuais). Desde o Concello de Ribadeo queremos amosar o noso compromiso coa igualdade e contra a discriminación de xénero e das características sexuais de cada quen”.
A edil nacionalista manifestou que “segundo unha enquisa realizada polo Ministerio de Igualdade o 48% das persoas enquisadas no Estado evitan dar a man da súa parella do mesmo sexo en público, entre outros datos. Se repasamos as redes sociais ou os xornais é evidente o incremento de agresións LGTBIfóbicas, de acoso por orientación sexual, das extremas dificultades das persoas trans, especialmente das mulleres trans para entrar no mercado laboral. A problemática á que deben facer fronte as e os adolescentes revelar a súa orientación sexual, que supón en moitas ocasións enfrontarse a un drama familiar, a falta de recoñecemento da diversidade familiar e as dificultades nos centros educativos para facer formación en diversidade afectivo sexual ….”.
Mariluz Álvarez Lastra lembrou que “de feito, o pasado febreiro colaboramos coa ANPA A Faxarda do Colexio Público Gregorio Sanz organizando uns talleres sobre a diversidade afectivo sexual para todo o alumnado cun resultado moi satisfactorio”.
A concelleira de Igualdade engadiu que “temos que mencionar que este ano tamén se cumpren 15 anos da aprobación do matrimonio igualitario, un paso adiante, pero aínda queda moito por normalizar da diversidade sexual. A película Elisa e Marcela, dirixida por Isabel Coixet e que conta a historia das dúas galegas que a principios do século XX protagonizaron a que está considerada como primeira voda homosexual en España, terá a súa estrea mundial este mércores no Festival Internacional de Cinema de Berlín. E a Televisión de Galicia fará a estrea este domingo, de do filme de Elisa e Marcela, polo que vos animamos a visionala”.
O Concello de Ribadeo pendurou no edificio municipal a bandeira LGTBI no marco da celebración do Día do Orgullo LGTBI
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
