Burela, 7 de xullo, 2020. Eduardo Saavedra Cebreiro, toda unha referencia de traxectoria no futsal e na Familia Laranxa, cumprirá a décimo terceira tempada no Pescados Rubén Burela FS. Con esta renovación selada xunto ao presidente, Manuel Blanco, o gardameta naronés repetirá tándem xunto ao internacional polaco M. Kaluza.
“Para min é un privilexio seguir xogando un ano máis na mellor liga e entre os mellores equipos, co meu equipo, en Burela”, confesaba feliz Edu, aos seus 41 anos. O Pescados Rubén volverá apostar pola solidez defensiva: “Volverá ser unha portería segura; Michal e eu entendémonos moi ben. É unha portería que ofrece a miña experiencia e a vivencia de Michal como internacional, ademais da súa xuventude e ilusión por medrar no fútbol sala español, con gran calidade” valoraba o porteiro que puido regresar a Primeira a tempada pasada tras cumprir co merecido ascenso laranxa.
“O club está traballando moi ben dando continuidade ao bloque e buscando eses reforzos necesarios que nos ofrezan un paso adiante para poder encamiñar a tempada con menos apuros” reflexionaba un dos laranxas máis queridos pola afección, co que o novo proxecto burelista segue avanzando cara a 2020-21, xunto a Matamoros, Lucho, Iago Míguez, Álex Diz, Renato, Pitero, Eto’o e Kaluza.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
