Barreiros, 17 de xullo de 2020. A alcaldesa de Barreiros, Ana Ermida, e o concelleiro de medio ambiente, Dámaso Ratoeira, desprazáronse na mañá de hoxe a Augas de Galicia para presentarlle á directora xeral do organismo unha proposta de depuración alternativa para as depuradoras de San Miguel e Reinante.
Ratoeira explicou que na reunión coa directora xeral presentaron “un proxecto alternativo de depuración mediante humedais artificiais aireados que, ademais de ser máis sostible, é máis económica tanta a súa posta en marcha como o seu mantemento.”
O goberno municipal barreirense deu a coñecer a idea que se lles presentou a efectos de que o organismo competente, Augas de Galicia, dea o visto bo e valore tecnicamente a adecuación do mesmo ás necesidades de Barreiros, para asegurar que se se pon en marcha vai ser con éxito.
A alcaldesa explicou que o goberno municipal leva un ano traballando en solucionar os problemas de depuración existentes no concello, xa que ademais do custo económico que supoñen, crean graves problemas ambientais, de imaxe e mesmo de saúde pública. “Para nós é unha prioridade contar con depuradoras que funcionen adecuadas á necesidade e levamos traballando sen descanso desde o inicio do mandato, aínda que as cousas van máis lentas do que nos gustaría.”
Ana Ermida sinala que “o elevado custo da construción dunha nova estación depuradora, tal e como proxectou Augas de Galicia, fixo que o goberno municipal buscase alternativas viables ao mesmo tempo que buscamos o finanzamento para o proxecto da depuradora; tentando axilizar o máximo posible a solución.”
Os sistemas de depuración mediante humedais artificiais aireados téñense posto en funcionamento con éxito noutros lugares tanto para augas residuais domésticas como industriais “e cremos que pode dar cobertura suficiente ás necesidades de Barreiros, pero é fundamental contar coa aprobación e a coordinación de Augas de Galicia, xa que é o organismo que en última instancia aprobará as instalacións.”
De poder levar a cabo este proxecto os custos do mesmo poderían reducirse en máis dun terzo, de xeito que “a consecución dos cartos suficientes para o finanzamento e a implicación das distintas administracións podería ser máis doada”, manifestou a alcaldesa.
Barreiros presenta ante Augas de Galicia alternativas para a depuración en San Miguel e Reinante
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O programa Nnabata atende 139 persoas migrantes en Burela no marco do proceso de regularización
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
