Ribadeo, 17 de xullo de 2020. Acisa e Concello de Ribadeo asinaron hoxe o convenio de colaboración entre ambas entidades para o 2020. A asociación recibe 24.000 euros para desenvolver actividades en prol da economía local.
Francisco Iriarte, presidente de Acisa, amosouse moi satisfeito: “estamos a falar dunha axuda moi impórtente para Acisa, son 24.000 euros, partida coa que poderemos facer fronte aos gastos dos próximos meses para reactivar a economía local. Grazas a esta axuda poderemos poñer en marcha moitas das iniciativas que dende Acisa fai uns meses presentamos no plan Reactiva Ribadeo, como eran as campañas de promoción, a dixitalización do comercio e a dinamización da economía local. Quero ademais agradecer que dende o Concello atenderan as nosas peticións, como por exemplo o aumento da contía do convenio para poder facer fronte a esta situación que estamos a vivir”.
Iriarte lembrou que “a esta petición súmanse as xa feitas e relativas á flexibilización dos espazos de ocupación para terrazas, á exoneración durante o estado de alarma das taxas municipais ou a atender as nosas suxestións para desenvolver accións por parte do Concello e ás que dende Acisa non temos alcance por falta de presuposto ou de medios”.
O xerente da Asociación e Comerciantes, Jesús Pérez, explicou os detalles deste acordo: “estamos a falar dunha partida económica de 24.000 euros, dez mil máis que o ano pasado. Esta axuda repartirase en catro liñas de traballo a desenrolar dende Acisa: en accións de dinamización comercial, que inclúe sorteos; accións de promoción turística e comercial, tratarase de a lo menos dúas campañas para promover Ribadeo como destino turístico, especialmente en Galicia e Asturias e como referente comarcal de ocio e compras; outra partida irá destinada a equipos de protección, xeles e outros materiais que poidan requirir os noso socios e socias; e a transformación dixital do pequeno comercio, que neste caso estamos a falar da APP de ACISA que en poucos días estrearemos”.
No acto da firma esta mañá participaron o presidente de Acisa, Francisco Iriarte, e o concelleiro de Desenvolvemento Local e Turismo, Pablo Vizoso, asistidos por José Rodil, como secretario accidental do Concello. Tamén estivo presente o xerente de Acisa, Jesús Pérez.
Acisa e Concello asinaron este venres o convenio anual de colaboración para 2020, cunha contía de 24.000 euros
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
