Burela, 17 de xullo de 2020. O alcalde, Alfredo Llano, subliñou que descenderon os positivos por coronavirus nas últimas vintecatro horas e hoxe rexístranse 97 casos. Ademais o Concello fixo 180 análises aos traballadores máis vulnerables con resultado negativo. O rexedor reuniuse hoxe coa Acia para informar que se destinarán 120.000 euros das arcas municipais para os comerciantes e os autónomos do municipio afectados pola crise ocasionada por esta pandemia. Ademais o Concello solicitará axuda á Deputación de Lugo, á Xunta de Galicia e o Goberno estatal.
Alfredo Llano dixo que “hoxe tivemos unha reunión cos responsables de Sanidade, levamos días facéndoa telematicamente. Estamos analizando todos os días como vai evolucionando o brote do virus aquí en Burela e en xeral en toda A Mariña, pero aquí como había máis cantidade de contaxios ten unha atención especial ao igual que temos un confinamento especial”.
O alcalde destacou que “hoxe en Burela baixamos seis casos, tíñamos onte 103 e esta mañá tíñamos 97. Baixamos tamén 18 as persoas que están confinadas, que están agardando a ver se desenvolven a enfermidade e nos quedamos hoxe con 238. Iso é bo sinal de que estamos avanzando ben. Non houbo positivos nos últimos tres días en Burela e significa que temos controlada á xente vinculada ao brote. A ver se para o domingo ou o luns, que imos ter outra reunión, vemos se todo vai ben para establecer a normalidade o antes posible”.
Llano engadiu que “hoxe fixemos 180 análises no Concello para os traballadores que están máis expostos como pode ser a Policía Local, o SAF ou os que están atendendo directamente ao público. Tamén aproveitamos para facelos a algún colectivo vulnerable como pode ser os dos taxistas e deron todos negativos. Iso é bo sinal e significa que polo menos non está instalado o virus no noso Concello”.
Xuntanza coa Acia local
O alcalde contou que “hoxe tivemos unha reunión cos representantes da Acia na que fixemos unha primeira valoración de como está a situación socioeconómica no noso concello. Todos coincidimos en que é preocupante o que está ocorrendo e como está afectando a todo en liñas xerais. É certo que levamos xa case dúas semanas cun confinamento especial en Burela e significa que non temos facilidade de movemento e iso implica que a xente non acuda e que a nosa xente tampouco se mova tanto. Aproveito para dicir que dentro dos protocolos tamén podemos desprazarnos e facer gasto no noso pobo e dentro dos nosos medios apoiar, hai que ter coidado e manter o protocolo, pero non implica que a xente non se mova por Burela e dea gasto á nosa xente para motivar aos comerciantes. Con coidado podemos facer vida polo pobo”.
O rexedor explicou que “lles comuniquei que hoxe ao ser aprobados os orzamentos e xa poder incorporar unha partida da liquidación positiva do ano pasado, dos remanentes que temos, imos incorporar 120.000 euros para axudas para os autónomos e os comerciantes de Burela. Hai que facer os trámites e espero que para a semana que ven poidamos ir avanzando todo. Imos ver canto solicitan e a cantidade que podemos aportar e cremos que debe servir polo menos para paliar un pouco a situación. Pensamos ademais que Burela merece unhas axudas específicas polo confinamento especial que estamos tendo agora e desde o Concello imos facer unha solicitude dirixida á Deputación, á Xunta e ao Goberno do Estado para que se destinen subvencións aos comerciantes e aos autónomos do noso concello”.
O Alcalde salientou o descenso de casos de coronavirus en Burela. Hoxe rexístranse 97 positivos. Ademais o concello destinará 120.000 euros a comerciantes e autónomos afectados pola crise
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
