Ribadeo, 21 de xullo de 2020. O Concello de Ribadeo creará 365 novas prazas de aparcamento gratuíto na vila. Estarán situadas nas inmediacións da estación de autobuses e na rúa Ramón González. O Concello amplía en 1.000 metros cadrados o aparcamento de Julio Lazúrtegui e mellora o que está situado entre Daniel Cortezón e Pintor Fierros. A concelleira de Obras, Mónica Freire, subliña que o obxectivo é que a xente aparque comodamente en Ribadeo este verán e para dinamizar o tecido comercial.
A edil explicou que “durante estes días nos atopamos realizando tarefas de acondicionamento en catro puntos da vila para habilitalos como aparcamentos. Estamos acometendo labores de ampliación destes espazos con recheo de materiais e mellora de firme, así como traballos de sinalización e delimitación de perímetros”.
Mónica Freire relatou que “se trata de mellorar e ampliar en 1.000 metros cadrados aproximadamente o aparcamento da rúa Julio Lazúrtegui, que contará agora cunha superficie total de 2.500 metros cadrados. Tamén estamos a traballar en catro parcelas, de aproximadamente a mesma superficie, que están situadas detrás da estación de autobuses, e que se están a desbrozar estes días. Nelas faremos tamén traballos de acondicionamento de terreo, de sinalización e de delimitación do perímetro dos aparcadoiros”.
A concelleira de Obras engadiu que “a estes dous espazos hai que sumar un novo aparcadoiro na rúa Ramón González xunto co espazo que hai entre as rúas Daniel Cortezón e Pintor Fierros. Estes dous novos aparcamentos suman unha superficie duns 6.000 metros cadrados e nestes dous lugares estamos facendo estes días traballos de colocación de estacas perimetrais, o que entendemos que tamén pode dificultar o aparcamento, polo que quixera aproveitar para pedir paciencia polas posibles molestias que puidéramos ocasionar durante estas obras”.
Freire Rancaño engadiu que “en total, nestes catro novos espazos que estamos a acondicionar, quedarán unhas 365 prazas de aparcamento que virán, por un lado a amortiguar as que se perden de forma puntual os mércores pola nova ubicación do mercado no aparcamento municipal, e por outro lado as que se ocupan coa ampliación das terrazas. Son 26 as que se perden neste caso”. O aparcamento municipal conta con 170 prazas.
Para a concelleira de Obras “o balance é claramente positivo, en canto ao número de prazas de aparcamento dispoñibles. Esa é a nosa intención, facilitar todo o que poidamos tanto ás veciñas e aos veciños como aos visitantes que veñan a Ribadeo, aparcar comodamente, dinamizar o tecido comercial e facer a nosa vila o máis accesible posible”.
O Concello de Ribadeo creará 365 novas prazas de aparcamento gratuíto na vila
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
