Mondoñedo, 05 de agosto do 2020. O BNG de Mondoñedo critica o Convenio Interadministrativo de Cooperación asinado o pasado venres 31 de xullo entre a Deputación de Lugo e o concello mindoniense para a adecuación do Mirador.
O BNG explica que segundo o convenio de colaboración asinado entre o presidente da deputación, José Tomé e o alcalde de Mondoñedo, Manuel Otero, o concello asume a titularidade do Mirador coa condición de investir nel 150.000€ financiados pola institución provincial para o acondicionamento do inmoble e do seu entorno.
O voceiro do BNG no concello, Eloi Cabanas, declara que non ve a necesidade de que o concello adquira agora este inmoble en mal estado para o cal non hai un uso definido, “o presidente da deputación meteulle un gol pola escuadra ao alcalde de Mondoñedo ao desfacerse dun morto, o cal non sabía que facer con el, cargándollo ao concello de Mondoñedo que tampouco aclara para que o quere”.
Eloi Cabanas apunta que no ano 2017 estas instalacións públicas xa recibiron 270.000€ nunha primeira fase de rehabilitación a través dun obradoiro de emprego e agora anúncianse outros 150.000€ que tampouco van ser suficientes para adecualo de forma definitiva a un uso concreto.
Cabanas cree que isto é un “mal negocio”, e demanda do goberno popular a que aclare os motivos que o levaron a aceptar esta cesión do inmoble cando a responsabilidade de poñelo en valor é da entidade provincial e tamén se pregunta canto lle vai custar as arcas do municipais manter cada ano o Mirador a partir de agora.
-A CORPORACIÓN MINDONIENSE APROBOU EN DECEMBRO DO 2018 POR UNANIMIDADE A PROPOSTA DO BNG LOCAL PARA CONVERTER O MIRADOR NUN CENTRO DE INMERSIÓN LINGÜÍSTICA-
Uns días antes na Deputación de Lugo tamén se aprobaba esta mesma proposta impulsada polo BNG. No pleno celebrado en Mondoñedo acadárase a unanimidade mentres que no ente provincial non houbera o consenso que o BNG solicitaba pola abstención do grupo do PSOE.
“Consideramos que unha vez aprobada a moción e mentres que non haxa un estudo técnico que descarte a posibilidade de homologar un centro destas características nese edificio, o que procede é cumprir os acordos por parte das dúas institucións, que non poden fallarlle aos veciños e veciñas e aos colectivos de Mondoñedo, que foi de onde saíu esta iniciativa que ademais de conseguir recuperar este histórico inmoble que leva varios anos de deterioro e abandono, pode reportar moitos beneficios para Mondoñedo ”.
Os nacionalistas néganse a que se invista un euro máis nese edificio mentres non se teña enriba da mesa un proxecto de uso concreto para poñer en valor o Mirador. “se o goberno ten un proxecto definido diferente que o diga para que poidamos estudalo, mentres tanto debemos ser moi escrupulosos coas inversións de diñeiro para rendabilizalas ao máximo e sen saber antes o que vamos facer alí non ten sentido ningún seguir gastando máis diñeiro público no edificio do Mirador”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
