Viveiro, 21 de agosto. Aínda que a Xunta de Galicia deu por controlado o brote de COVID-19 na Mariña Lucense, polo que xa non teremos as reunións do comité clínico todas as semanas, e a pesar de que o número de casos descenderon notablemente no noso municipio, o Concello de Viveiro quere incidir na necesidade de non baixar a garda.
O goberno municipal está en continuo contacto coa xerencia do Hospital da Costa e do Centro de Saúde de Viveiro para coñecer a evolución da sociosanitaria do virus. Desde o consistorio lembramos que é necesario cumprir estritamente con todas as medidas de seguridade decretadas tanto pola Xunta de Galicia como por este concello que, dende o primeiro momento, suspendeu todas as actividades e eventos organizados ou celebrados en espazos de titularidade municipal e adoptou todas as precaucións e protocolos que, dentro das posibilidades e competecias propias, puidesen evitar a propagación do virus.
Dende o goberno municipal continuaremos traballando nesa liña, co mantemento e establecemento das medidas necesarias, ao tempo que se realiza unha intensa labor en aras a garantir o seu cumprimento por parte de veciños e visitantes.
Neste sentido, nos últimos días, a Policía Local levantou varias actas ante o incumprimento da normativa establecida e continuará realizando estas labores de vixiancia e control necesarias para garantir e preservar a saúde publica.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.