Burela, 25 de setembro, 2020. O Pescados Rubén Burela FS de Primeira FS estreará a axenda de amigables de pretempada mañá en Villaviciosa. As Guerreiras Laranxas saltarán á pista para medirse ao Rodiles FSF, de Segunda, no Memorial José Huerta-Pablo Cortina. A cita poderá seguirse en directo por Youtube (18.30 horas).
“Tiñamos moitas ganas de xogar. Será unha cita importante por ser a primeira, estamos desexando poñer en práctica todo o traballo de pretempada, do novo equipo, coas novas fichaxes, para ver como nos sentimos e como nos axustamos sobre a pista. É un partido para gozar e ter boas sensacións”, falaba así Cilene do Memorial, do que as burelistas ostentan o galardón 2019. “É un club co que temos moi boa relación; tivemos a oportunidade de compartir adestramentos e disputar algún amigable xa en tempadas pasadas” reflexionaba así a 6 laranxa do especial que é para as Guerreiras abrir as citas de pretempada na localidade asturiana.
O deste sábado será o primeiro test para estar ao cento por cento o 17 de outubro para o inicio de liga, con outros compromisos previos marcados como Copa Galicia ante Amarelle o día 10: “Tendo datas de partidos o aliciente é maior; temos metas reais e nótase nos ánimos”, confesaba Cilene, a última en incorporarse á dinámica de grupo hai un par de semanas, tras cumprir co protocolo de confinamento tras a súa chegada de Brasil.
Julio Delgado e Lucas dispoñerán de todos os efectivos a excepción dunha das novidades, Cely, por un edema articular no xeonllo.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
