A Coruña, 28 de setembro de 2020. O delegado do Goberno en Galicia, Javier Losada, insistiu hoxe na necesidade de seguir loitando con unidade para que “Alcoa entre en razón” e permita a continuidade da planta de aluminio primario en San Cibrao baixo a titularidade doutra compañía.
Javier Losada mostrou a súa “decepción profunda” con Alcoa, xa que “sobre a mesa había solucións” para a situación actual da planta que a empresa rexeitou reiteradamente “levando aos traballadores a un conflito innecesario” e “actuando de mala fe”.
En declaracións aos medios, o delegado destacou a unidade alcanzada polos gobernos central e autonómico e os traballadores na dura negociación para solucionar este conflito e considera que esa unidade é clave para alcanzar unha solución. Ao mesmo tempo lembrou que o Goberno traballou para conseguir un acordo “poñendo sobre a mesa todas as posibilidades xurídicas e legais que nos permite o noso Estado de Dereito e as indicacións das Unión Europea”.
Finalmente reiterou que Alcoa “terá que asumir as consecuencias da súa cerrazón”.
Javier Losada expresa a súa “decepción profunda” con Alcoa e insiste en seguir loitando para que “entre en razón”
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.