RIBADEO (FNC) .- O alcalde, Fernando Suárez, rexeita as acusacións verquidas desde o PSOE nas últimas horas sobre a actuación do goberno municipal na adxudicación das obras da travesía de Ribadeo. O rexedor asegura que a empresa elixida foi a que reuniu a puntuación máis alta de todas as presentadas. Un informe asinado por tres técnicos municipais avala a decisión adoptada na mesa de contratación.
Suárez Barcia asegurou que “debo volver dicir o que no seu momento en todos os órganos colexiados onde este tema se tratou se dixo, incluído no pleno da Corporación, no BNG decidimos, xa que había dous grupos, o PSOE e o PP, que non vían demasiado clara a puntuación deste concurso para ser adxudicataria unha determinada empresa, deixalo sobre a mesa”. O rexedor subliñou que “todos os actos que se viñeron facendo desde o principio foron inicialmente aprobados polo pleno, onde hai que recordar que o BNG non ten a maioría. Todos os pasos que se foron dando fixéronse cos informes técnicos postos enriba da mesa, é dicir cando a mesa da contratación, da que forman parte o alcalde e dous técnicos máis, decide propoñer ao pleno cal vai ser a empresa adxudicataria non o fai por capricho nin porque o queira o alcalde, senón porque un informe firmado solidariamente polos tres técnicos municipais (dous arquitectos superiores e un arquitecto técnico) di de maneira conxunta, solidaria e sen fisuras que a mellor proposta é a dunha determinada empresa. Na mesa de contratación hai outros dous técnicos que deciden absterse, pero non din que non nin fan un informe desfavorable”.
Fernando Suárez explicou que “prevaricación é adoptar resolucións inxustas sabendo que o son, precisamente creo que prevaricación sería o que está a dicir o PSOE, que segundo os cálculos que fai o seu concelleiro, que non é técnico na materia, que nunha mañá revisa e di que lle daría a obra a outra empresa. Eu non sei si tería razón ou non, pero eu non me estou basando por cálculos que fai o alcalde nin que fai ningún político, refírome a un informe técnico feito polos técnicos aos que a mesa de contratación lles encomendou a súa realización e de maneira unánime propoñen unha determinada empresa”.
O alcalde ribadense manifestou que “para aclarar e disipar calquera tipo de dúbida, como dixemos no pleno, o asunto quedou enriba da mesa e nos vindeiros días nos reuniremos todos os portavoces dos grupos políticos cos técnicos para que se revise ata a última coma de todo esto. Este goberno municipal non ten nin o máis mínimo interese en que as cousas se fagan mal, é máis todas as actuacións durante tres anos están presididas pola intención de facer as cousas ben e sempre seguindo os informes técnicos e xurídicos pertinentes”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
