Foz, 16 de outubro de 2020. Comezou o novo curso do programa Educando en familia en Foz, que se desenvolve na antiga escola de Vilaronte, co apoio do Concello focense. Conta coa participación de 35 familias con nenos e nenas de 0 a 6 anos.
A concelleira de Servizos Sociais en Foz, Ana Rojo, visitou as instalacións do centro e explicou que “o programa Educando en familia comezou, outro ano máis, no concello de Foz, nesta ocasión con 35 familias participantes e nenos de 0 a 6 anos. Este novo curso impártese na antiga escola de Vilaronte os mércores en horario de 10:30 a 12:30, de maneira presencial e telemática, dando facilidades ás familias para participar nos dous formatos”.
Ana Rojo engadiu que “o obxectivo deste programa é achegar estratexias, fortalecer, favorecer e asesorar ás familias participantes, dando respostas ás necesidades educativas dos país e nais e dos propios alumnos, compartindo ademais actividades, xogos e experiencias, e favorecendo así vínculos afectivos e de comunicación. As temáticas a tratar son moi diversas, cada mes proponse unha nova actividade para traballar sobre ela, dando resposta ás necesidades dos rapaces e das familias. Estas temáticas van dende o acoso escolar a educar en igualdade, redes sociais, normas e límites que se deben poñer no propio fogar, estilos educativos, etcétera, dando importancia á xestión emocional e afectiva, dentro e fora do núcleo familiar, incidindo e potenciando a creatividade na expresión plástica e a socialización entre os nenos, axudándolles así a poder compartir tamén actividades e xogos. Ademais apórtalles un plus de seguridade no desenrolo das súas vivencias, compartindo coñecementos e experiencias, tratando tamén de acomodarse a esta nova realidade que nos marca o Covid-19”.
A concelleira comentou tamén que “as clases son impartidas a persoas adultas, de maneira grupal, coas medidas e protocolos establecidos en prevención dos contaxios. Por todo isto, haberá máis contido on line no blogue da propia asociación, onde as familias ou coidadores poderán acceder a estes contidos para poder aplicalos despois cos rapaces no propio fogar, seguindo as pautas marcadas como sempre polos docentes e implementándose con outras actividades que se irán impartindo ao longo do curso”.
Ana Rojo destaca que “Educando en familia conta, como non podía ser doutra maneira, co apoio do Concello de Foz, mediante un convenio subvencionado e de total colaboración con esta asociación educativa, aportando os útiles necesarios en materia de prevención, limpeza e desinfección da aula para evitar na medida do posible os contaxios e poder dar certa seguridade ás familias e aos propios rapaces”.
“Dende o Concello de Foz desexámoslle á asociación Educando en familia moito ánimo e moita sorte, así como a todos os centros de ensino e garderías de Foz neste novo e peculiar curso que comezou. Somos conscientes do esforzo que supón tanto para os docentes, familias e rapaces adaptarse a esta nova e singular realidade”, rematou a edil.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
