Nota de Prensa
Os nacionalistas consideran que se lle pretende transferir os custes da crise aos máis desfavorecidos.
O BNG presenta mocións en todos os Concellos contra o paquete de medidas económicas do Goberno.
O Bloque Nacionalista Galego vai presentar mocións nos conxuntos dos Concellos da Mariña na que solicita que os Plenos da Corporación expresen o seu rexeitamento ao paquete de medidas económicas que o Presidente do Goberno presentou no Congreso dos Deputados o 13 de Maio do 2010.
Segundo se recolle na moción dos nacionalistas as medidas que en materia de política económica fixo públicas o Presidente Zapatero co que se pretende reducir o déficit público, e que se concretan entre outros aspectos na conxelación das pensións contributivas para 2011, na reducción do salario dos funcionarios nun 5%, na negativa a que se cobre retroactivamente as axudas establecidas na Lei da Dependencia e na supresión do cheque bebe, na perspectiva de que significa diminuír o poder adquisitivo da clase traballadora e polo tanto reducir o seu poder de compra vai dificultar un aumento do consumo e da demanda interna que son fundamentais para saír da crise.
O Vice – responsábel Comarcal Nacionalista, Xoán Antón Estúa, denunciou que a reducción salarial aos funcionarios a partir de Xullo de 2010, coincidindo coa entrada en vigor da suba do IVE, é unha medida demagóxica, na liña de que non todos os traballadores da función pública teñen o mesmo salario, non pasando moitos deles dos 700 euros e non superando o 53% deles os 1000 euros mensuais, pero tamén agocha unha intencionalidade nefasta para o conxunto da sociedade pois significa avanzar na privatización dos servizos públicos. Na mesma liña o Portavoz nacionalista denunciou que a decisión de conxelar en 2011 as pensións contributivas resulta particularmente gravosa posto que na nosa Comarca son moitos os pensionistas pola pirámide demográfica que temos, que da unha poboación moi avenlletada e polo feito de que as pensións galegas xa se sitúan a cola do Estado. Nesta liña hai que lembrar que son precisamente os pensionistas os que se sitúan na cabeza dos índices de pobreza en Galiza, na medida que boa parte dos nosos xubilados cotizaron no réxime especial agrario polo que as súas pensión son baixas.
Os nacionalistas mostráronse críticos tamén coa supresión das políticas de apoio a natalidade, con independencia de que na súa formulación actual non se atendese a criterios de progresividade e de renda, supón un absoluta iresponsabilidade se atendemos aos problemas demográficos que vimos de referir e da necesidade de impulsar a anovación xeracional, idea compartida polo Goberno do estado e da Xunta de Galiza. Asemade fixeron fincapé na supresión da reotractividade no pago das axudas a dependencia o que significa a alteración mesmo da normativa pola que se implementa esta lei así como as modificacións que se pretenden introducir no sistema de pensións que van afectar de xeito particular a viuvedade así como ao calculo das cotizacións para os traballadores que pretendan acollerse ás xubilacións antes da idade dos 65 anos, na mesma dirección dalgún aspecto do xa exposto anteriormente polo Goberno do Estado.
O Bloque nacionalista Galego considera que todo este paquete de medidas económicas, responden a lóxica neoliberal de pretender transferirlle o custo da crise económica as clases traballadoras e aos sectores sociais máis desfavorecidos economicamente, isto é precisamente a aquelas persoas que non tiveron ningunha responsabilidade na crise que se está a vivir e que tampouco se beneficiaron do crecemento especulativo que provocou esta situación. Estamos convencidos de que hai outras saídas a crise económica e que esta alternativa só parte dun axioma ideolóxico que entronca directamente coas políticas que provocaron a crise. Mesmamente pensamos que as mesmas van agravar a situación económica e van provocar que se volva ao decrecemento na medida que a perda do poder adquisitivo significa automaticamente unha baixa no consumo
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
