Foz, a 29 de outubro de 2020. Os concelleiros do grupo popular de Foz están seriamente preocupados diante do que consideran unha inexplicable intervención nun camiño próximo a praia de Llas, no que se leva a cabo un recheo mediante entullos. Os populares quixeron deixar constancia desta irregularidade na sesión plenaria que hoxe celebra a corporación municipal, mediante a presentación de iniciativas ao respecto.
O concelleiro Juan Rivas sinala: “O recheo lévase a cabo, cremos que de xeito irregular, nas proximidades da praia de Llas, concretamente nun camiño que vai dende a estrada das praias ata a Rúa Torques do Castro”. Rivas detalla que “o camiño se reenche con entullo provinte dunha obra municipal, concretamente do saneamento das rúas Concello de Valadouro e Concello de Alfoz”. Considera que “esta maneira de actuar non é a adecuada”.
O mesmo concelleiro sinala que “hai grave risco de que se poida producir unha denuncia por Medio Ambiente ou polo Seprona, porque os materiais non son adecuados para este entorno, que é unha zona de protección costeira”. Di Rivas: “Entendemos que se se quere facer o recheo do camiño, co cal estamos de acordo, porque está moi profundo, pode facerse pero hai que contar co correspondente proxecto, pedir os permisos necesarios e utilizar os materiais adecuados”.
Os populares demandan a inmediata retirada dos camións de entullo xa depositados no camiño, porque interrompen o paso. Queren saber se o Concello deu autorización para facer o que xa está feito a día de hoxe, e que supón que un camiño público (figura no inventario de bens públicos) estea cortado e convertido nun vertedoiro.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
