RIBADEO (FNC) .- O alcalde, Fernando Suárez, pídelle á Xunta que licite as obras de construción da nova gardería de Ribadeo, prevista polo anterior goberno galego.
O rexedor realizou estas declaracións “despois de ver os resultados provisionais nas listas de admitidos nesta gardería pública que depende da Xunta de Galicia e despois de ver que hai unha boa cantidade de nenos e de nenas que están en lista de espera”. Suárez Barcia considera “como alcalde de Ribadeo e no nome de toda a Corporación que esto ven demostrar a necesidade imperiosa e inmediata para que a Xunta cumpra co comprimiso que o bipartito tiña con Ribadeo”.
O alcalde lembrou que “o Concello cedeu uns terreos de titularidade municipal hai máis dun ano para que a Xunta fixera unha nova escola infantil, dado que Ribadeo a diferencia doutros concellos do seu entorno, é un concello vivo, cada vez ten máis poboación, cada vez ven máis xente vivir aquí e cada vez nacen máis nenos e polo tanto as instalacións da actual gardería, ainda que son moi importantes e fixemos o posible por amplialas hai tres anos, e contamos con 105 prazas non son, dabondo. Vemos que hai xente que quere levar alí aos seus nenos e non pode porque non ten praza e incluso outra moita xente que nin siquera o tentou porque sabía que non podería optar”.
Fernando Suárez asegurou que “hoxe máis ca nunca faise necesario que a Xunta de Galicia licite as obras de construcción da nova gardería, así Ribadeo pasaría a ter dúas, que eran as previsións que manexaba o anterior goberno bipartito e tamén as previsións que manexou a Corporación Municipal cando acordou ceder e renunciar a esa parcela no entorno socioeducativo de Francisco Lanza. Ribadeo podería ter así unha gardería, a actual, vinculada a toda a zona vella e a unha parte do casco urbano e outra, que sería a nova, vinculada á zona de expansión da vila”.
O rexedor engadiu que “hoxe escoite moitas queixas de xente que está moi disgustada ao non ter praza aquí na escola infantil de Ribadeo”.
Obras na rúa Deputación
Hoxe quedou aberto ao tráfico o tramo da rúa Deputación comprendido entre as rúas Reynante e San Francisco. O resto da rúa ata Ramón González continúa pechada por mor das obras de mellora que se están a executar nese vial.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.