Santiago de Compostela, 25 de Novembro 2020. A portavoz nacional, Ana Pontón, pediu ao presidente da Xunta que retire o proxecto de lei de reforma da Lei de Saúde de 2008, porque non recolle nin unha soa medida para mellorar a sanidade pública na loita contra a pandemia e ten como obxectivo vixiar, sancionar e multar aos galegos e as galegas, aos que trata como persoas incumpridoras e potenciais bombas dispersadoras do virus.
“Así é como o presidente da Xunta lle agradece á xente deste país o esforzo e o sacrificio destes oito meses de pandemia: tratalos como se fosen sospeitosos aos que hai que vixiar, sancionar, obrigar a vacinarse baixo pena de multa e aos que hai que recortar dereitos e liberdades sen garantías xurídicas. En 53 folios, nin unha soa medida para mellorar a loita contra a COVID desde o punto de vista sanitario, cero; pero repite 71 veces a palabra sanción nunha lei de saúde”, argumentou Pontón na sesión de control ao xefe do Executivo.
Tras recriminarlle a Feixóo que responda a argumentos con descualificacións e insultos, a líder do Bloque preguntoulle se como presidente da Xunta “realmente lle está dicindo a xente deste país que non cumpre a corentena contra a COVID e, polo tanto, a súa prioridade é sancionalos en lugar de adoptar melloras na sanidade para loitar contra a pandemia?”, interpelou.
Ademais dunha detallada enumeración de sancións que poden chegar até os 600.000 euros, o proxecto de lei tamén impón a obrigación de vacinarse, pese a que en Galiza nunca existiu rexeitamento das campañas de vacinación. Por todo iso, o BNG pide a retirada do proxecto de lei do PP que tilda de “chapuza xurídica” que non pasaría o “exame” dos informes xurídicos preceptivos de terse tramitado este proxecto pola vía do Consello da Xunta: “está eludindo a súa responsabilidade e actuando con covardía”.
Fronte a unha normativa que pon o foco na sanción a unha cidadanía que ten un comportamento exemplar de xeito maioritario, Pontón ofreceu ao presidente galego colaboración cunha batería de medidas e de propostas, empezando por reforzar a sanidade con 100 M€ adicionais para atención primaria nas contas de 2021; incrementar o número de rastrexadores para un control dos gromos; plan de continxencia para a distribución da vacina da COVID cando estea dispoñible, -“anticiparse tras o fiasco da campaña da gripe”-, cribado masivo en todos os concellos baixo peches perimetrais e blindar as residencias de maiores a través dunha intervención pública.
“Eu veño a este Pleno a falar a favor dos galegos e das galegas que non necesitan que vostede os trate como sospeitosos que deben ser vixiados, sancionados e multados senón un goberno que se anticipe e dea solucións. Por iso lle pido que deixe de responder con labazadas á man tendida do BNG e fagamos deste Parlamento un foro construtivo para saír desta crise sanitaria, económica e social”, concluíu.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
