Mondoñedo, a 27 de novembro de 2020. Representantes da Fundación Educativa e Social Dignidade presentaron este venres ao alcalde e á tenente de alcalde de Mondoñedo, Manuel Otero e Elena Candia, respectivamente, unha oferta para adquirir o edificio coñececido como o antigo hospital de Cabanela.
Os servizos xurídicos do Concello informan que esta entidade cumpre os requisitos para tramitar a adxudicación definitiva. Na reunión explicaron o proxecto a situar no edificio que prevé crear un aloxamento turístico xestionado pola Empresa de Inserción Laboral Grupo Dill, promovida pola Fundación, e tamén catro vivendas de inclusión.
Tanto Otero como Candia valoran “moi positivamente” a aposta desta entidade social por Mondoñedo, e que permite cumprir, din, “un obxectivo social tan importante para a nosa sociedade”.
Este Grupo corresponde a un tipo de empresa cuxa finalidade social se orienta á integración e formación social e laboral das persoas en situación de exclusión social como tránsito de emprego ordinario. A Fundación Educativa e Social Dignidade é, ademais, a entidade que xestiona o centro de menores instalado nas dúas primeiras plantas do edificio. Está dotado con 17 prazas e xestionado pola Fundación despois de licitar o mesmo que financia a Xunta de Galicia e que o Concello colabora previamente cedendo parte do edificio para ese fin.
Edificio emblemático
O antigo hospital de Cabanela é un edificio emblemático cuxa rehabilitación e restauración supón un avance na mellora do parque inmobiliario de Mondoñedo e mellora a súa imaxe urbanística, pero tamén permite dotar a esta localidade de novos servizos. Coa construción deste centro de menores, a entidade local xa creou unha ducia de postos de traballo e prevé medrar. Isto foi posible grazas ao convenio co Instituto Galego de Vivenda e Solo que achegou ao Concello 450.000 euros para adquirir o edificio e que a entidade local devolverá integramente unha vez rematado o proceso de venda.
O inmoble é un edificio que tivo uso hospitalario na segunda metade do século pasado ata o ano 2003 que cesou a actividade. Agora, grazas ás novas negociacións do goberno local, adquire unha nova función, converténdose nunhas dependencias útiles á sociedade mindoniense, e poñendo en marcha un proxecto social que axuda a fixar poboación e que crea emprego.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
