Lugo, 3 de xaneiro de 2021. A Consellería de Política Social destinou este ano 367.800 euros a mellorar os seus centros da provincia a través dos contratos xestionados pola Xefatura Territorial de Lugo.
O delegado territorial, Javier Arias, explicou que a Xunta executou obras de reforma e acondicionamento e dotou de equipamento diverso a residencias, centros sociocomunitarios, escolas infantís e outras instalacións públicas de titularidade autonómica que prestan diferentes servizos sociais.
Entre os investimentos realizados destacan os que se destinaron ao complexo residencial xuvenil LUG 1, que suman algo máis de 97.000 euros e supuxeron a reforma integral de seis baños de habitacións, o acondicionamento dun local no soto e a pintura e vernizado da planta baixa.
Polo que respecta ao Centro de Atención a Persoas con Discapacidade (CAPD) de Sarria, destináronse case 72.000 euros ás obras dun novo transformador, á instalación dunha caldeira e a outras accións como a subministración dun electrocardiógrafo. En canto ao centro de menores Santo Anxo de Rábade, habilitouse unha sala de reunións, fíxose unha soleira revestida de pedra no xardín, substituíronse as luminarias por outras tipo LED máis eficientes e renovouse mobiliario, o que supuxo un gasto total de 31.000 euros.
Pola súa banda, nos campamentos xuvenís de Area (Viveiro), A Devesa (Ribadeo) e Os Chacotes (Palas de Rei) realizáronse diversas actuacións por valor de case 59.000 euros, como o cambio da porta de acceso a Area e a subministración de canastras para este campamento, a construción de bases de formigón para tendas de campaña na Devesa ou a reparación da cuberta do barracón de actividades dos Chacotes.
Centros sociocomunitarios
Tamén se realizaron distintos traballos de modernización nos centros sociocomunitarios de Lugo, Vilalba e Mondoñedo e nos Espazos Xove de Vilalba e Chantada, cun custo de 50.400 euros. Destacan as obras feitas nas instalacións de Lugo, que serviron para mellorar a accesibilidade, renovar a recepción e acondicionar unha sala para ver a televisión; e no Espazo Xove de Chantada, que foi dotado dun aseo adaptado para persoas con discapacidade.
Entre os investimentos efectuados tamén figuran 19.000 euros para actualizar equipamento das escolas infantís de Lugo, Foz, Ribadeo e Viveiro; así como 23.000 euros para adaptar a sala de entrevistas do Servizo de Familia e Menores de Lugo coas medidas anticovid e para colocar pantallas de protección en espazos de traballo.
O delegado destacou que estas actuacións responden ás necesidades que a Xunta vai detectando en cada centro e complementan a outras de maior envergadura que impulsa a Administración galega nos centros sociais, co fin de garantir a calidade dos servizos que prestan á cidadanía.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.