Burela, a 18 de xaneiro de 2021. Dende o PP de Burela vense na obriga de denunciar a lentitude na execución das obras das instalacións deportivas e a falta de coherencia do alcalde na aposta pola mellora destas.
E é que dende o PP burelés indican que “non era sen tempo que Llano se comprometera coas instalacións deportivas da Marosa, máxime tendo en conta que xa en agosto de 2019 anunciaba que ían tirar a grada principal e, dende aquela, xa choveu”.
E seguen, “o que non é comprensible é que dende xullo deste pasado ano, despois de moita insistencia por parte da SD Burela e do Grupo Municipal Popular (GMP), no que se adxudicou o orzamento para repoñer o peche perimetral do campo de herba artificial desas instalacións municipais ás que, lembremos, acoden centos de nenos a adestrar, aínda se licitaran neste mes de xaneiro, con case que seis meses de retraso, esa obra”. Dende o PP pregúntanse “que estivo a facer o concelleiro de deportes e o Sr. Llano a este respecto durante todos estes meses?, a seguridade dos pequenos que acoden ás instalacións da Marosa non lles parecía apremo suficiente para a licitación da obra? ”.
No referente á iniciativa, liderada pola dirección do IES Perdouro e comprometida dende hai tempo polo PP de Burela, relativo á execución dunha pista polideportiva cuberta neste centro educativo, os populares non entenden as incoherencias do rexedor socialista que “agora di que apoia a mesma cando no pleno celebrado hai uns dous meses, e no que o GMP levou esta proposta, o alcalde Llano votou en contra da mesma”. “Entendemos que agora, e tal e como anunciou no seu día o GMP, que sabe que dita obra vai para diante debido á aposta decidida que dende as eleccións municipais tivo con ela o Partido Popular, o Sr. Llano quere apuntarse un tanto cos seus excompañeiros deste centro educativo”, afirman.
Linguaxe belicosa impropia dun alcalde dunha vila coma Burela
Noutra orde de cousas, dende o PP chama moito a atención “a linguaxe belicosa, totalmente impropia dun alcalde dunha vila coma Burela”, cando Llana fala de que “se fixo unha pequena guerra política con este asunto”, no referente ás instalacións deportivas municipais da Marosa.
“Sabemos que lle molesta que o PP lle emende a plana pero é que a nosa formación, con este asunto coma con moitos outros, non fai máis que acudir en defensa dos intereses dos veciños e veciñas de Burela que así o precisan e así no lo reclaman converténdonos deste xeito na única formación que está a fiscalizar a inacción deste presunto goberno, e por extensión, na única alternativa política ao mesmo”, conclúen dende o PP.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
