Lugo, 28 de xaneiro de 2021. A subdelegada do Goberno, Isabel Rodríguez, mantivo hoxe unha reunión de traballo co director provincial do Instituto Social da Mariña, José Vicente Prieto, na que analizaron a actividade deste organismo durante o último ano.
Isabel Rodríguez aproveitou o encontro, que tivo lugar por vía telemática, para destacar o esforzo realizado polo persoal do ISM na provincia, para atender sen demoras ao sector nuns meses nos que a actividade deste organismo tamén se viu condicionado pola pandemia.
A subdelegada destacou a importancia de iniciativas postas en marcha nestes meses como a posibilidade de facer test serolóxicos do COVID-19 que se ofrece gratuitamente a todos os tripulantes de buques en mareas superiores a 10 días. Este ofrecemento dirixido aos traballadores do mar é froito dun convenio asinado na primavera pasada pola Dirección do ISM co SERGAS.
Na xuntanza tamén se puxo de manifesto que, segundo os datos do Instituto Social da Mariña, a pandemia apenas tivo consecuencias no emprego no sector pesqueiro da provincia. O número total de traballadores que ten afiliados na actualidade o ISM na provincia de Lugo é de 1.618, dos que 458 son estranxeiros, máis da metade deles, 298, proceden de Indonesia.
En 2020, o Instituto Social da Mariña destinou 38.072.624 euros ao pago de pensións a traballadores do mar na provincia de Lugo.
Actualmente, o ISM ten dadas de alta 148 empresas e o número de embarcacións, na súa gran maioría pertencentes ao sector pesqueiro, son 156.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
