Lugo, 26 de febreiro de 2021. O Grupo Municipal do Partido Popular de Meira critica “a inoperancia do alcalde” e o equipo de goberno local porque “non foron capaces de sacar unha nova convocatoria de axudas directas á hostalería e outros comercios afectados” polas medidas recollidas na Orde do DOG do 26 de xaneiro para conter a pandemia da covid-19 “no momento no que máis o precisan”. Ademais, indican que “noutros concellos xa o están facendo”.
Os populares agardan que “unha vez iniciada a desescalada que permite volver á actividade ao sector da hostalería, o goberno local non poña como escusa que xa están abertos para non establecer unha nova liña de apoios”, sobre todo, tendo en conta que “dende o Grupo Municipal Popular xa presentaramos unha iniciativa coa que acordar no pleno a aprobación destas axudas; pero que o alcalde non incluíu na orde do día de asuntos a tratar e, polo tanto, non se puido debater no último pleno”. Isto demostra que “o goberno local de Meira non considera importantes os negocios do noso concello”, segundo denuncian o voceiro do PP, Carlos Veiga.
Os populares volveron a propoñer que o Concello convoque axudas “ante a inactividade do goberno municipal”, despois de que xa o ano pasado “fora o Grupo Municipal do PP o que solicitara no mes de abril que o Concello preparara unha convocatoria para apoiar a tódolos sectores que tiveron que pechar durante o confinamento ou que viron reducida a súa actividade debido á crise derivada da situación sanitaria”. Finalmente, o ano pasado foran convocadas unhas axudas “totalmente insuficientes” que dende o goberno local xustificaron dicindo que “volverían a sacar unha segunda liña cando fose necesario. As axudas eran necesarias agora”, aseguran, e por iso lamentan especialmente que “non quixese incluír a nosa iniciativa para tratala neste pleno” porque “deixala para máis adiante é prexudicial para os negocios de Meira”.
Medidas propostas polo PP
Ademais de axudas directas para os locais afectados polos peches; os populares tamén propoñen axudas directas para os negocios que non poidan facer fronte ao alugueiro do seu local, rebaixar ou suprimir as taxas municipais da auga, lixo e saneamento e o IBI. Así mesmo, consideran necesarias medidas de dinamización económica para o municipio.
Os populares tamén piden que o goberno local redacte unha ordenanza reguladora da ocupación de vía pública que permita contar con normas claras sobre a colocación de terrazas nas rúas e prazas que “aporten a seguridade xurídica”.
Apoios da Xunta
Carlos Veiga destaca que “ante a indiferenza do goberno local co sector hostaleiro, o Goberno da Xunta si que amosou a súa responsabilidade e o seu compromiso cos afectados pola crise da covid”. A través do seu primeiro plan de rescate ao sector hostaleiro, achegou máis de 33.000 euros en axudas que beneficiaron a un total de 11 establecementos de Meira e agora ten aberto o prazo para solicitar as axudas do segundo plan de rescate ao sector.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
