Viveiro, 16 de marzo de 2021. O Concello de Viveiro informa que o Diario Oficial de Galicia publicou na xornada de onte, 15 de marzo, a orde pola que se establecen as bases reguladoras das axudas para a adquisición de vivenda nos centros históricos e se procede á súa convocatoria para o ano 2021.
O casco antigo de Viveiro atópase entre as zonas nas que a compra de vivendas está subvencionada e a Oficina de Rehabilitación do Casco Histórico proporciona información sobre estas axudas e a súa tramitación.
Esta liña de axudas xa se convocara no ano 2019 orientadas persoas menores de 35 anos, coa intención de axudar á mocidade a afrontar a emancipación e o acceso a unha vivenda en propiedade, así como revitalizar e pór en valor os centros históricos.
Porén, nesta nova convocatoria introducíronse unha serie de cambios dirixidos a favorecer o asentamento de nova poboación nos conxuntos históricos, independentemente da súa idade, contribuíndo á dinamización social, económica e patrimonial destes ámbitos.
Deste modo, os beneficiarios poderán ser calquera persoa física maior de idade, en lugar de menor de 35 anos como en convocatorias anteriores.
Ademais, increméntase o límite máximo de ingresos esixido para acceder á condición de persoa beneficiaria, co fin de adecualo aos actuais prezos do mercado inmobiliario neses ámbitos, e modifícase a contía destas axudas. As axudas poderán ser de máximo o 20% do importe da vivenda, cun límite de 10.800 euros para os maiores de 35 anos e de 12.800 euros para os menores de 35 anos.
Para poder beneficiarse destas axudas é preciso cumprir certos requisitos, como ter uns ingresos inferiores ó 5,5 IPREM, non ter vivenda en propiedade, non ter débedas coas administracións, entre outros.
As vivendas obxecto da subvención deberán estar ubicadas no espazo delimitado polo Plan Especial de protección e reforma interior do casco antigo, aprobado definitivamente o 7 de agosto de 1997, cuxo plano se achega. Ademais, deben estar destinadas a vivenda habitual e permanente, entre outros requisitos.
Doutra banda, estas axudas poden ser solicitadas polas persoas que tiveran formalizado contrato privado ou escritura pública de compra venda con data posterior a 1 de xaneiro a 2021. Por último, o prazo de solicitude destas axudas remata o día 30 de setembro de 2021.
Para recibir máis información ou tramitar a solicitude da axuda, as persoas interesadas poden acudir á Oficina de Rehabilitación do Casco Histórico de Viveiro, situada na Praza Maior, 1; ou chamar ó teléfono 982 562968.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
