Ribadeo, 5 de maio de 2021. O vermú Arnao, elaborado en Ribadeo por Discosta Norte SL, acaba de poñerse á venda en hipermercados de toda España. Xa pode mercarse nas grandes superficies de Alcampo e en breve estará tamén nas de Carrefour e Makro, entre outras.
O xerente de Discosta Norte, José Antonio Veiga, explica que empezaron a elaborar o vermú Arnao no ano 2019 “para distribuílo a nivel comarcal, para os nosos clientes de hostalería. Queríamos ter un produto propio que supuxera un impulso para a imaxe da empresa, dentro dos cambios que estamos a facer. En principio só se vendía nos bares da zona, non estaba nin nas tendas da comarca. Pero como foi gustando moito e tendo boa aceptación ampliamos a distribución a tendas, que empezaron a pedírnolo para vendelo a particulares. E a partir de aí tivemos que traballar moito a nivel comercial porque a competencia é moi grande e potente: hai moitos vermús no mercado hoxe, aínda que con carácter galego como o noso non tantos. Despois tivemos a teimosía de querer levalo a grandes superficies, polo volume de vendas que nos pode supoñer. E tivo boa aceptación, de feito temos convenio con varias cadeas de grandes superficies a nivel nacional e xa se pode comprar en toda España en Alcampo; e en breve estaremos en Carrefour, porque xa está o acordo pechado, e tamén en Makro. E estamos traballando para telo en máis áreas comerciais pronto”.
José Antonio Veiga destaca que “isto supón un salto importante para a imaxe do produto, que queremos seguir potenciando e para iso hai que estar innovando continuamente. Nesa liña xa cambiamos o tapón da botella e escollemos un deseño feito por unha empresa italiana, creamos un pack de dúas botellas para que a xente combine cunha botella de vermello e outra de branco ou dúas de cada, que é o que gusta nas tendas e o que nos reclaman as grandes áreas. Ademais imos facer unha liña de vasos e copas e tamén temos planificado crear un vermú reserva, que deberá estar polo menos seis meses nunhas barricas de madeira especiais”.
O vermú Arnao diferénciase doutros en que “está feito en Galicia, concretamente en Ribadeo, usando como base viño da variedade de uva godello ao que se suman botánicos, cos que acertamos porque teñen a dozura adecuada para gustar á maioría da xente”, explica Veiga.
Deseño da botella
O xerente de Discosta Norte tamén lle dá importancia ao deseño da botella: “gustou moito. Creamos unha imaxe acertada, para o que contamos co estudo de deseño Enpedra, que está en Lugo e é un dos máis prestixiosos en deseño para produtos alimentarios, de feito gañou o premio Platino Pentawards en 2020, que son os Oscar do deseño. Na botella inspirounos o lugar e a historia. O lugar é unha praia moi bonita que hai na marxe asturiana da ría de Ribadeo, que é o areal de Arnao. É unha pequena homenaxe á ría e á comunidade veciña porque quixemos facer unha simbiose de Galicia e Asturias. E en canto á historia, na botella vense imaxes relacionadas coa emigración e o retorno dos indianos, que en Ribadeo é un tema de moito peso”.
En Discosta Norte teñen capacidade para producir ata 6.000 botellas cada hora.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
