Lugo, 18 de maio de 2021. O goberno da Deputación, presidido polo socialista José Tomé, está empeñado en usar os cartos deste organismo máis para a súa promoción política que para impulsar a economía da provincia. As medidas que está aplicando teñen, claro, aspectos positivos, pero son moi escasas en canto a dotación orzamentaria e non inclúen as moi necesarias axudas directas ao tecido produtivo. O portavoz popular, Javier Castiñeira, pon como exemplo de cal é a realidade destas iniciativas o programa Coñece a Túa Provincia, dotado con 106.000 euros, dos que 18.000 euros son, literalmente, para regalos institucionais.
O portavoz provincial do PP, Javier Castiñeira, sinala: “Vemos moi positivas algunhas das medidas impulsadas pola Deputación de Lugo, co presunto obxectivo de dinamizar a economía da provincia. Pero, como vimos denunciando, son absolutamente insuficientes. Nada que ver cos 7 millóns de euros dos que nada sabemos do plan Impulsa. Por un lado, porque faltan as axudas directas que vimos solicitando dende hai case un ano, que serían as máis importantes para reactivar o tecido económico da nosa provincia, algúns dos sectores que están en moi mal momento. Por outro lado, accións como os bonos Impulsa, que é unha acción que vemos moi interesante, copiada da iniciativa da Xunta, está dotada cunha cantidade moi escasa, moi pequena; a Deputación apenas inviste no comercio de proximidade 500.000 euros en bonos, nada que ver cos 10 millóns de euros da Xunta para Galicia”.
Para o PP, “outro programa interesante é o Coñece a túa Provincia, que é unha copia reeditada do KM0, no que neste caso a Deputación so inviste neste ano 106.000 euros, dos cales 18.000 son para regalos institucionais”. Castiñeira sinala: “É unha auténtica tomadura de pelo. Por iso, o PP non pode estar satisfeito con este inexistente ou engordado Plan Impulsa; vemos que para a economía da provincia se usan moi poucos cartos e se da moita propaganda, pero en cambio para outras cousas interesantes para o goberno como é o toma política as axudas a un sindicato, en concreto, a UGT, con 20.000 euros, se fai con moi pouca propaganda, pola porta de atrás, pero si se dan cantidades importantes, que xeran un grave agravio comparativo e malestar con outras forzas sindicais. Esas son as desproporcións que denuncia o PP que ten este goberno da Deputación: moita política, moita propaganda e inxustiza á hora de repartir os recursos públicos”.
.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
