Lourenzá, 9 de xullo de 2021. O claustro do mosteiro de San Salvador acollerá o día 17 deste mes, sábado, a partir das 11 da mañá unha xornada sobre Francisco Fernández del Riego. No evento intervirán grandes coñecedores do escritor laurentino: Manuel Román Ramos, Francisco Domínguez Martínez, Xosé López González, Malores Villanueva Gesteira e Antón Vidal Andión. Para asistir as xornadas hai que inscribirse previamente a través do teléfono 649.28.17.91 ou do correo electrónico patrimonio.laurentino@gmail.com.
Esta actividade, que está organizada polo Concello de Lourenzá e a Asociación Patrimonio Laurentino, foi presentada na tarde de hoxe, venres, na Praza do Conde Santo, xunto ao monólito de Fernández del Riego. No acto participaron a alcaldesa de Lourenzá, Rocío López; o concelleiro de Cultura, Manuel Arango; os representantes da Asociación Patrimonio Laurentino Miguel Gavín e Vidal Martínez-Sierra, e a autora do cartel da xornada, a deseñadora Codés Lillo.
Rocío López anunciou que “neste acto, que se vai celebrar o vindeiro 17 de xullo, vaise recordar a figura de Francisco Fernández del Riego, fillo predilecto de Lourenzá. Faise en colaboración coa Asociación Patrimonio Laurentino e nel estarán presentes distintas figuras que tiveron relación, que escribiron e que coñeceron a Don Paco”.
A rexedora agarda que “esta xornada sexa un pasiño máis para poder conseguir que se lle dedique o Día das Letras Galegas, que xa sabemos que non vai ser o vindeiro ano 2022, pero si que esperamos que sexa pronto e se poida celebrar”.
Miguel Gavín explicou que esta xornada “será o primeiro dunha serie de actos sobre a figura de don Francisco Fernández del Riego, don Paco para Lourenzá. Reivindicamos que se lle dedique o Día das Letras Galegas, pero non só iso senón que queremos que a súa memoria perviva porque foi quizais a persoa máis importante para o galeguismo e para o idioma galego e tivemos a sorte de que nacera no noso concello”.
O representante da Asociación Patrimonio Laurentino destacou que neste evento dedicado a Fernández del Riego “conseguimos aglutinar os puntos máis importantes do seu ciclo vital: Malores Villanueva, que vai falar da vida del ao servizo de Galicia; a Fundación Penzol, que foi a súa casa, algo que el fundou, onde tiña o seu despacho, onde el traballaba; Editorial Galaxia, que el axudou a fundar e onde se publicaron os seus traballos; e tamén a súa relación coa nosa vila, e diso vanse ocupar xente moi vinculada a el, tanto en Galaxia como en Penzol e Malores Villanueva, que ao final foi o seus ollos, cando el xa non vía, cando a lupa aquela gorda que el usaba xa non chegaba. Remataremos o acto cos seus bibliógrafos, dous rapaces que naceron en Lourenzá e que foron os que fixeron un libro cando se nomeou fillo predilecto a Del Riego e outro a raíz do seu pasamento, as obras Vivir unha vida e Lume aceso. Ese lume aceso é o que queremos seguir tendo e por iso organizamos estes actos”.
Gavín indicou tamén que a actividade desenvolverase “ao aire libre, no claustro do mosteiro, que é un espazo amplo, e evidentemente vamos gardar todas as medidas de seguridade que establecen as autoridades”.
A autora do cartel é a deseñadora local Codés Lillo, que contou: “normalmente fago os carteis da Asociación Patrimonio Laurentino e intentei seguir un pouco esa liña, engadindo ilustración de Fernández del Riego e da praza Linares Rivas, que é onde naceu”.
Codés Lillo dixo: “gústame participar nestas cousas, axudar, e máis si se trata de lembrar a persoas tan importantes do noso pobo”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
