Lourenzá, 27 de agosto de 2021. O Grupo Municipal do PP de Lourenzá pregúntalle á alcaldesa cal é o proxecto para os 2 millóns de euros que o Plan Xacobeo destinaba ao mosteiro de San Salvador. Os populares queren coñecer os detalles do proxecto, en que consistirá a intervención anunciada polo Ministerio de Turismo e que dende o goberno local sinalaron como “primeiro paso para a súa rehabilitación”. Así mesmo, interésanse por coñecer exactamente cal é o uso e os servizos previstos no proxecto e cal é o actual estado da súa tramitación. Advirten, neste sentido, que “se o goberno local non fai nada rápido, pódese perder a inversión anunciada”.
O voceiro popular, Javier Rodríguez Barrera, condena a “falta de transparencia da alcaldesa e do seu goberno sobre este asunto” e explica que “os veciños queren saber que tipo de intervención prevé realizar o goberno local no mosteiro coa axuda anunciada polo Ministerio”. Pola tanto, pídelle á alcaldesa que responda ás dúbidas dos veciños de Lourenzá: “formularemos unha pregunta para que o goberno local dea información e lle explique aos veciños a situación na que se atopa este proxecto de interese para todo o noso municipio”, matiza.
Rodríguez Barrera lembra que “o goberno municipal socialista non fixo nada para a conservación e posta en valor do noso mosteiro”. De feito, “foi a Xunta a que tivo en conta o noso mosteiro e introduciuno entre as propostas enviadas ao Goberno central para que o recollera neste plan”.
Reivindicación constante do PP laurentino
Barrera sinala que “dende o Partido Popular aplaudimos xa daquela que o noso mosteiro recibira unha importante axuda que agardamos contribúa á recuperación desta construción barroca que foi declarada Monumento histórico-artístico en 1974 e que, ademais, constitúe un sinal de identidade do noso pobo”.
“A rehabilitación do Mosteiro de San Salvador e o seu uso público é unha reivindicación constante do PP local coincidindo coa vontade da maioría dos laurentinos”, conclúe.
Previamente, o Grupo Municipal Popular lograra sacar adiante unha iniciativa no pleno para crear unha mesa de traballo integrada por representantes dos distintos grupos políticos e asociacións en representación dos veciños para facer seguimento das accións levadas a cabo dende o Concello ante o Bispado para cesión do Mosteiro de San Salvador e debater sobre o uso do inmoble.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
