Lugo, 28 de Novembro de 2021. O Grupo Socialista na Deputación de Lugo defenderá no vindeiro Pleno ordinario, que terá lugar o martes, unha iniciativa coa que demanda ao Goberno de Feijóo que clarifique a situación real do mapa actual de xeodestinos da provincia, e que o faga a través dun proceso de diálogo cos concellos e as deputacións.
“Presentamos esta proposta tras comprobar o espectáculo grotesco de contradición e dobre criterio entorno a esta nomenclatura por parte da administración autonómica. A día de hoxe, a Xunta firma convenios con xeodestinos que Turismo de Galicia non recoñece na súa propia web. En tempos da sociedade da información, presentar unha cousa nos medios e outra distinta na web oficial é un sen sentido que mide o fracaso dunha política turística que non acaba de ter outras ideas que esperar polo calendario a ver cando toca Ano Santo”, advirten os socialistas.
A través desta iniciativa, o PSdeG reclama “que o mapa resultante dese proceso adquira un carácter oficial, co seu debate no Parlamento e a súa publicación no DOG, como paso previo á actualización da información oficial na web de Turismo de Galicia”. Ademais, pide que “se desenvolva o marco normativo para definir con claridade o proceso de creación dos xeodestinos, así como os seus órganos xestores, funcións, competencias e os mecanismos de modificación do mapa”.
O PSdeG solicita tamén que “a Xunta habilite unha liña específica de financiamento para os xeodestinos galegos, con fondos repartidos con criterios obxectivos, coa finalidade de que se garanta unha achega económica que permita ós concellos que os conforman desenvolver unha actividade planificada é continuada no tempo”.
Polo que respecta á provincia de Lugo, a Xunta empregou indistintamente o termo xeodestino e subxeodestino (que non existe na lei de Turismo) para falar do Courel, nos convenios firmados co GDR Ribeira Sacra-Courel (por exemplo no do 23 de setembro de 2020). Ó día seguinte de firmar un convenio co xeodestino Courel, a Xunta asinaba outro para a reactivación do turismo no xeodestino Ancares-Courel.
Confusión da Xunta
Así as cousas, sinalan que “a confusión xerada pola Xunta en torno ó concepto de xeodestino réstalle eficacia a esta figura á hora de converterse no instrumento impulsor do turismo que recolle a Lei 7/2011. Algo que resulta especialmente grave neste momento no que o sector turístico precisa claridade e políticas de estímulo”.
A Xunta, que ten as competencias en Turismo, “non ten desenvolvido o marco legal dos xeodestinos. Non se sabe se por incapacidade ou polo desexo de non achegarlles aos concellos fondos para desenvolver apostas conxuntas de turismo local”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
