Alfoz, 22 de decembro, 2021. Cinco edicións despois de ter gañado este mesmo galardón coa obra A raíña das velutinas, o alfocés Lionel Rexes faise de novo co premio de novela convocado polo Concello do Grove.
O pasado sábado, un xurado composto por Ánxela Gracián (escritora), Carme Ferreira Boo (investigadora literaria), Héctor Cajaraville (escritor), Armando Requeixo (investigador e crítico literario) e Antonio Piñeiro (editor, escritor e gañador da anterior edición), escolleu A montaña do poeta como texto gañador entre as obras presentadas.
Segundo palabras do autor, a idea do argumento xorde dun feito real pouco coñecido: O vínculo existente entre unha vivenda de Alfoz, hoxe deshabitada, e o poeta Antonio Noriega Varela. A partir de aí desenvólvese unha ficción que ten lugar na actualidade.
Noriega Varela foi coñecido como O Poeta da Montaña, e tal denominación dálle pé ao autor para xogar co alcume, dándolle a volta e converténdoo no título da súa obra.
Na montaña do poeta trátase, entre outras temáticas, a política penitenciaria empregada de forma vingativa polo poder.
O premio Lueiro Rey chega no presente ano á edición número 28, polo que se trata dunha cita consolidada no panorama literario galego. A súa dotación consta de 3000 euros na parte económica e mais na publicación do texto gañador pola editorial Xerais.
Lionel Rexes divulga os seus artigos desde hai sete anos no blog Vasoiras de xibarda, un espazo que define como “Cartafol literario de experiencias, teimas e inquedanzas”. A súa anterior novela, A raíña das velutinas, fora publicada en 2017 e gozara dunha segunda edición ao ano seguinte.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
