Ribadeo, 22 de decembro de 2021. O alcalde, Fernando Suárez, ven de enviar unha nova carta ao conselleiro de Sanidade, Julio García Comesaña, na que lle lembra que hai máis dun mes lle mandou un escrito valorando de xeito positivo a proposta de actuación sanitaria na vila, pero que ata o día de hoxe nada máis soubo da administración autonómica. O rexedor considera que “estes procesos levan tempo, e aínda que nos orzamentos da Xunta de Galicia para o 2022 non vemos que haxa consignación algunha para un centro de saúde en Ribadeo, pola nosa parte non ha de quedar o de ir buscando e argallando unha solución real e posible”.
O alcalde ribadense dixo que “o certo é que hai máis dun mes que lle mandamos un atento escrito valorando positivamente esa proposta de actuación sanitaria en Ribadeo. Como resumo daquel documento, pediámoslle ao conselleiro o reforzo inmediato dos cadros de persoal do centro de saúde, dado que a situación destes últimos anos se está convertendo en endémica e as queixas da veciñanza pola falta de profesionais é sistemática, día a día. Tamén lle suxeríamos que estudaran a posibilidade de adaptación do actual edificio do centro de saúde pero que en todo caso, se non o consideraban así, pola nosa banda ofrecíamos colaboración para buscar unha solución a esa petición de terreos necesarios para a construción dun novo centro de saúde, que eles cifraban nuns 2.500 metros cadrados. Tamén no seu momento, o conselleiro indicaba que o seu persoal técnico se podería achegar aquí a Ribadeo para visitar e para avaliar, xunto cos técnicos municipais, aquelas parcelas que puideran cumprir as necesidades técnicas que se requiren”.
Fernando Suárez indicou que “despois de todo isto e despois do escrito enviado hai máis dun mes, a día de hoxe non soubemos nada máis. Ninguén nos chamou, ninguén veu por aquí, a pesar de que telefonicamente eu contactei co seu equipo técnico para dicirlle que estábamos aquí á súa disposición. Eu non sei se é que agora non veñen porque estamos no Nadal, porque hai o cambio de ano ou polo que sexa. Pero, en todo caso, aquí estamos para cando queiran, cando queiran ver e avaliar as posibilidades técnicas porque, como xa lles dicimos, o Concello de Ribadeo non é titular dun terreo desas características, desa superficie que eles nos requiren en ámbito urbano, pero que isto non é óbice para que non poidamos buscar unha solución”.
O rexedor engadiu que “afortunadamente temos aprobado, desde hai uns poucos anos, un Plan Xeral de Ordenación Municipal que contempla varios polígonos urbanísticos que, aínda que non se atopan desenvoltos polos seus propietarios, si que puideran ser obxecto de estudo pola administración municipal para ver se podemos impulsar o desenvolvemento dalgún deles. E é evidente que estes procesos levan tempo, pero en todo caso non vemos que nos orzamentos da Xunta de Galicia para o ano 2022 haxa ningunha consignación para un centro de saúde en Ribadeo, pero pola nosa parte non ha quedar o de ir buscando e ir argallando unha solución real e posible. Así que, polo tanto, enviámoslle este novo documento para dicir que aquí estamos para cando así o desexen”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
