Comeza a Feira Internacional de Turismo (Fitur) de Madrid, á que a comunidade galega acode amparada polas súas dúas principais marcas: Galicia Calidade e Xacobeo. Dous símbolos consolidados que serven de paraugas ao conxunto de institucións e entidades, entre as que se atopan algunhas que superan o ámbito provincial, tales como Ribeira Sacra ou Rías Baixas. Todas elas aproveitarán este escaparate de Turismo de Galicia para facer promoción do noso territorio.
Tanto Galicia Calidade como o Xacobeo son marcas xa emblemáticas, moi arraigadas, nas que se investiu moito traballo e diñeiro, un esforzo que, afortunadamente, foi rendible. Galicia Calidade exalta a calidade paisaxística, patrimonial e gastronómica da nosa comunidade, mentres que os camiños de Santiago convertéronse nun elemento dinamizador do territorio da Galicia interior e do turismo espiritual e cultural.
Ninguén dubida de que estas marcas contan cun prestixio que potencia o tirón das distintas comarcas e provincias galegas. Por esta razón, resulta chocante que as deputacións de Lugo e Pontevedra, nas que cogobernan PSOE e BNG, xunto ao Concello de Vigo, decidan abandonar a stand de Turismo de Galicia para apostar polo de Turespaña. Esta decisión evidencia que os seus responsables sitúan o protagonismo persoal ou os seus intereses políticos por riba do ben común.
José Tomé, presidente da entidade provincial lucense, súmase ao carro da súa homóloga pontevedresa, Carmela Silva, a pesar de que o seu etéreo proxecto ‘Lugo de cinema’ trata de vender natureza e patrimonio, unha estratexia moi en consonancia coa que leva desde hai anos Galicia Calidade. Con estas coincidencias é difícil que os cidadáns entendan cal pode ser a diferenza de criterios promocionais que sustentan esta espantada.
Resulta tamén estraño que o BNG secunde ese xesto de provincialismo rancio e abandone a marca Galicia para apostar pola marca España. Ese xiro podería ter un aspecto tranquilizador se supuxera que a fronte que dirixe Ana Pontón abandona o seu radical imaxinario independentista para integrarse nun proxecto común, España, en consonancia co sentir da maioría dos galegos. Pero, se non queremos pecar de inxenuos, debemos preguntarnos se a actitude dos nacionalistas é unha farsa, unha estratexia enganosa ou, simplemente, un xesto de vasalaxe cara ao PSOE.
José Manuel Balseiro Orol
Deputado no Parlamento de Galicia
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
